Prabhas: ప్రభాస్ 'స్పిరిట్' మూవీ.. షూటింగ్ తేదీని చెప్పిన ప్రముఖ నిర్మాత
ఈ వార్తాకథనం ఏంటి
రెబల్ స్టార్ ప్రభాస్ ప్రస్తుతం మారుతి దర్శకత్వంలో తెరకెక్కుతున్న 'ది రాజాసాబ్‌' చిత్రంలో నటిస్తున్న విషయం తెలిసిందే.
ఈ మూవీ వచ్చే ఏడాది వేసవిలో రిలీజ్ కానుంది. ప్రభాస్ మరో ఆసక్తికర ప్రాజెక్టు గురించి ఓ వార్త లీకైంది. 'యానిమల్' దర్శకుడు సందీప్ రెడ్డి వంగాతో కలిసి 'స్పిరిట్' అనే మూవీలో నటిస్తున్నాడు.
పోలీసు డ్రామాగా రూపొందనున్న ఈ చిత్రంలో ప్రభాస్ తొలిసారిగా ఖాకీ డ్రెస్‌లో కనిపించనున్నారు. ఇటీవల ఈ సినిమా మ్యూజిక్ సిట్టింగ్స్ ప్రారంభమయ్యాయి.
ప్రముఖ నిర్మాత భూషణ్‌ కుమార్‌ ఈ సినిమా షూటింగ్‌కి సంబంధించిన తాజా అప్‌డేట్‌ని ఇచ్చారు.
Details
డిసెంబర్ లో షూటింగ్ ప్రారంభం
డిసెంబర్ చివరలో 'స్పిరిట్' చిత్రీకరణను ప్రారంభించేందుకు ప్రణాళికలు సిద్ధం చేస్తున్నామని, ప్రస్తుతం నటీనటుల ఎంపికలో బిజీగా ఉన్నామని భూషణ్‌ కుమార్‌ పేర్కొన్నారు.
త్వరలోనే నటీనటులను ఖరారు చేసి, షూటింగ్ ప్రారంభిస్తామన్నారు. డిసెంబర్ చివరలో షూటింగ్ మొదలవుతుందన్నారు.
స్పిరిట్ చిత్రంలో బాలీవుడ్ నటీనటులైన కరీనా కపూర్, సైఫ్‌ అలీఖాన్‌ కీలక పాత్రలు పోషిస్తున్నట్లు సమాచారం.
దీపావళి సందర్భంగా ఈ చిత్రానికి సంబంధించిన మ్యూజిక్ పనులు కూడా ప్రారంభమయ్యాయి. హర్షవర్ధన్ రామేశ్వర్ సంగీతాన్ని అందిస్తున్నారు.