Spirit: మెగాస్టార్ చిరంజీవి చేతుల మీదుగా ప్రభాస్ 'స్పిరిట్' మూవీ లాంచ్
ఈ వార్తాకథనం ఏంటి
ప్రభాస్ - డైరెక్టర్ సందీప్ రెడ్డి వంగా కాంబినేషన్‌లో రూపొందుతున్న పాన్ ఇండియా చిత్రమైన 'స్పిరిట్' రెగ్యులర్ షూట్ అధికారికంగా ప్రారంభమైంది. ఈ మూవీని అనౌన్స్ చేసినప్పటి నుంచే ప్రభాస్ అభిమానుల్లో భారీ అంచనాలు ఏర్పడుతున్నాయి. ఎప్పుడెప్పుడు షూట్ మొదలవుతుందోనని అభిమానులు ఆసక్తిగా ఎదురుచూస్తుండగా, నేడు భారీ ముహూర్త పూజ కార్యక్రమాలతో ఈ సినిమా లాంచ్ చేయబడింది. ఈ కార్యక్రమానికి మెగాస్టార్ చిరంజీవి ప్రత్యేక అతిథిగా హాజరై క్లాప్ కొట్టడం ముఖ్య ఆకర్షణగా నిలిచింది. సినిమాలో ప్రభాస్‌తో పాటు హీరోయిన్ త్రుప్తి దిమ్రి, నిర్మాతలు భూషణ్ కుమార్, వంగా ప్రణయ్, శివ్ చానానా కూడా పాల్గొన్నారు.
Details
పవర్‌ఫుల్ యాక్షన్ డ్రామాగా మూవీ
అంతేకాక, ప్రాజెక్ట్‌లో ఉన్న ప్రముఖ నటులు వివేక్ ఒబెరాయ్, ప్రకాశ్ రాజ్ ఇంతకుముందే అధికారికంగా రీ-కన్‌ఫర్మ్ అయ్యారు. 'స్పిరిట్' టీ-సిరీస్, వంగా పిక్చర్స్ బ్యానర్స్‌లో అత్యంత భారీ బడ్జెట్‌తో తెరకెక్కుతోంది. ఈ చిత్రం సందీప్ రెడ్డి వంగా స్టైల్లో రా, ఇంటెన్స్, పవర్‌ఫుల్ యాక్షన్ డ్రామాగా రూపొందనుంది. నిర్మాతలు తెలిపినట్లుగా, ఇది ప్రభాస్ కెరీర్‌లోనే కాకుండా ఇండియన్ సినిమా పరిశ్రమలో 'One Bad Habit' తరహా పెద్ద విజయం సాధించే చిత్రమని ఆశిస్తున్నారు. ప్రస్తుతం ఈ ముహూర్త ఫోటోలు సోషల్ మీడియాలో హాట్ టాపిక్‌గా మారాయి.