లవ్ స్టోరికి ఓకే చెప్పిన ప్రభాస్.. టాలెంటెడ్ దర్శకుడితో మూవీ ప్లాన్!
ఈ వార్తాకథనం ఏంటి
టాలీవుడ్ అగ్ర హీరో యంగ్ రెబెల్ స్టార్ ప్రభాస్ వరుస సినిమాతో దూసుకుపోతున్నాడు. ప్రస్తుతం ప్రభాస్ చేతిలో అరడజనుకు పైగా సినిమాలు ఉన్నాయి.
ప్రస్తుతం ఆదిపురుష్ విడుదలకు సిద్ధమైంది. జూన్ 16న ఈ సినిమాను ప్రపంచ వ్యాప్తంగా విడుదల చేయడానికి సన్నహాలు చేస్తున్నారు.
ఇక ప్రాజెక్టు కే, సలార్, మారుతి మూవీ షూటింగ్ దశలో ఉన్నాయి. సందీప్ రెడ్డి వంగతో స్పిరిట్ అనే సినిమా కూడా చేస్తున్నాడు. ఈ సినిమాలో పోలీస్ అధికారిగా కనిపించబోతున్నాడు. ఈ సినిమా ఎప్పుడు సెట్ పైకి వెళుతుందో ఇంకా స్పష్టత లేదు.
ఇదిలా ఉంటే తాజాగా ప్రభాస్ మరో డైరక్టర్ తో కలిసి పనిచేయడానికి సిద్ధమయ్యాడు.
Details
హను రాఘవవూడితో ప్రభాస్ సినిమా?
లేటెస్ట్ ఫిలింనగర్ రిపోర్ట్స్ ప్రకారం సీతారామం సినిమాతో బ్లాక్ బస్టర్ అందుకున్న డైరక్టర్ హను రాఘవపూడితో ప్రభాస్ ఓ సినిమా చేస్తున్నట్లు టాక్ వినిపిస్తోంది.
ఇటీవల ప్రభాస్ ఈ కథ విన్నాడని, ఆ కథ డార్లింగ్ బాగా నచ్చడంతో గ్రీన్ సిగ్నల్ ఇచ్చినట్లు సమాచారం.
వీరిద్దరి మధ్య గత కొంతకాలంగా సినిమా విషయంలో చర్చలు జరుగుతున్నట్లు టాక్ వినిపిస్తోంది. వైజయంతీ మూవీస్ పతాకంపై ఈ సినిమా రానున్నట్లు సమాచారం.
లవ్ స్టోరీతో ఈ సినిమాను తెరక్కిస్తున్నట్లు తెలుస్తోంది. అయితే ఈ వార్త విన్న ప్రభాస్ ఫ్యాన్స్ తెగ ఆనందపడుతున్నారు.