ఆదిపురుష్ లో అసలు ఫైట్, బయటకు వచ్చిన తాజా అప్డేట్
ఈ వార్తాకథనం ఏంటి
ఆదిపురుష్ రిలీజ్ డేట్ దగ్గర పడుతోంది. సినిమా రిలీజ్ కు రెండు నెలల సమయం మాత్రమే ఉంది. ఈ నేపథ్యంలో ఆదిపురుష్ చిత్రంపై ఆసక్తిని పెంచేందుకు చిత్రబృందం ప్రయత్నిస్తోంది. తాజాగా ఆదిపురుష్ నుండి ఖతర్నాక్ అప్డేట్ బయటకు వచ్చింది. అదిపురుష్ చిత్రంలోని హైలైట్ యాక్షన్ సీక్వెన్స్ ఏంటో తెలిసిపోయింది. ప్రేక్షకులను ఉర్రూతలూగించే యాక్షన్ సీక్వెన్స్ లు సినిమాలో పుష్కలంగా ఉన్నాయని టాక్. కాకపోతే వాలి, సుగ్రీవుల మధ్య జరిగే యుద్ధం మాత్రం మరో రేంజ్ లో ఉంటుందట. ఈ ఫైట్ సీన్ కోసం భారీగా ఖర్చు చేసినట్లు వినిపిస్తోంది. సినిమాలో కీలక ఫైట్ సీక్వెన్స్ గా ఇది ఉండబోతుందని అంటున్నారు.
Details
టీజర్ 2ని రెడీ చేస్తున్న ఓం రౌత్
త్రీడీలో ఈ ఫైట్ అద్భుతంగా కనిపిస్తుందని చెబుతున్నారు. ప్రస్తుతం ఈ విషయం నెట్టింట వైరల్ గా మారుతోంది. ఆదిపురుష్ చిత్రం నుండి ఇలాంటి క్రేజీ అప్డేట్ రావడంతో ప్రభాస్ అభిమానులు ఉత్సాహంగా ఉన్నారు. ప్రస్తుతం ఆదిపురుష్ రెండవ టీజర్ ని రిలీజ్ చేయడానికి చిత్రబృందం సన్నాహకాలు చేస్తోందని అంటున్నారు. గతంలో మాదిరి కాకుండా ప్రేక్షకులకు నచ్చే విధంగా ఈ టీజర్ ను అందించాలని చూస్తున్నాడట. ఆదిపురుష్ చిత్రంలో రాముడిగా ప్రభాస్ నటిస్తుంటే, సీత పాత్రలో క్రితిసనన్ కనిపిస్తుంది. టీ సిరీస్ బ్యానర్ పై భూషణ్ కుమార్ నిర్మిస్తున్నారు. ఓం రౌత్ దర్శకత్వం వహిస్తున్న ఈ సినిమా, జూన్ 16వ తేదీన తెలుగు, హిందీ, తమిళం, కన్నడ, మళయాలం భాషల్లో రిలీజ్ అవుతుంది.