Kushi 2: ఖుషీ సీక్వెల్ కోసం నిర్మాత రెడీ.. డైరెక్టర్ ఎస్ జే సూర్య కీలక వ్యాఖ్యలు
ఈ వార్తాకథనం ఏంటి
దర్శకుడు ఎస్ జె సూర్య దర్శకత్వంలో రూపొందిన బ్లాక్‌బస్టర్ మూవీ 'ఖుషీ' 2000లో విడుదలై భారీ విజయాన్ని సాధించింది. తలపతి విజయ్-జ్యోతిక జంటగా వచ్చిన ఈ యూత్ ఫుల్ ఎంటర్టైనర్ తెలుగు, తమిళ ప్రేక్షకులందరినీ మైమరిపించింది. తాజాగా ఈ సినిమాను తమిళ్‌లో రీ-రిలీజ్ చేస్తున్నారు. ఈ కార్యక్రమాన్ని శక్తి ఫిల్మ్స్ అధినేత శక్తివేల్ ఏర్పాటు చేశారు. ఈ సందర్భంగా ప్రెస్ మీట్‌లో పాల్గొన్న ఖుషీ సినిమా నిర్మాత ఏ ఏం రత్నం, దర్శకుడు ఎస్ జె సూర్య ఆసక్తికర కామెంట్స్ చేశారు.
Details
నిర్మాత ఏ ఏం రత్నం కామెంట్స్ ఇవే
ప్రస్తుతం దేశ వ్యాప్తంగా పార్ట్-2, సీక్వెల్స్ ట్రెండ్ నడుస్తోంది. అందువల్ల నేను చేసిన సూపర్ హిట్ సినిమాల సీక్వెల్స్ చేయడానికి సిద్ధంగా ఉన్నాను. వాటిలో 'ఖుషీ' చాలా ప్రత్యేకం. డైరెక్టర్ ఎస్ జె సూర్య ఓకే ఉంటే ఖుషీ పార్ట్-2 చేయడానికి రెడీ. హీరోగా విజయ్ కుమారుడు చేస్తారా, వేరేవాళ్లు చేస్తారా అనేది దర్శకుడి నిర్ణయం.
Details
తెలుగులో కూడా ఘన విజయం
ఖుషీ సినిమా చాలా ఆనందంగా రూపొందించాం. ఇందులోని పాటలను ప్రేక్షకుడిగా చాలా ఎంజాయ్ చేస్తాను, కానీ టెక్నీషియన్‌గా కాదు. కెమెరామెన్ జీవా అద్భుతమైన పని చేశారు. అలాగే, నటుడు వివేక్ కూడా ఈ చిత్రంలో గొప్పవారుగా ఉన్నారు. అయితే ఈ ఇద్దరూ ఇప్పుడు మన మధ్య లేకపోవడం చాలా బాధాకరం. ఈ సినిమాతో నాకు తెలుగులో కూడా మంచి గుర్తింపు లభించింది. ప‌వ‌న్ కళ్యాణ్, భూమిక అద్భుతంగా నటించారు. ఈ అవకాశం ఇచ్చిన నిర్మాత రత్నంకు నా ధన్యవాదాలు. ఖుషీ సినిమా ఒక ఎవర్ గ్రీన్ మూవీ. అది దేవుడు ఇచ్చిన గొప్ప బహుమతి. ప్రేక్షకులు, అభిమానులు ఇంకా సోషల్ మీడియాలో రీ-రిలీజ్‌కి వచ్చే స్పందనను ఆసక్తిగా ఎదురుచూస్తున్నారు.