ప్రాజెక్ట్ కె: కామిన్ కాన్ ఈవెంట్లో ప్రభాస్ లుక్: ఎక్కడా కనిపించని దీపికా పదుకొణె
ఈ వార్తాకథనం ఏంటి
ప్రస్తుతం అమెరికాలో సాన్ డియాగోలో జరుగుతున్న కామిక్ కాన్ ఈవెంట్లో ప్రాజెక్ట్ కె టీమ్ సందడి చేస్తోంది. ఈ ఈవెంట్ కి ప్రభాస్ ఎంట్రీ ఇవ్వగానే మీడియా మొత్తం చుట్టేసి ఫోటోలు తీసుకుంది.
బ్లూ సూట్ లో ప్రభాస్ లుక్ కొత్తగా ఉంది. ఈ ఈవెంట్లో ప్రాజెక్ట్ కె నుండి ప్రభాస్, కమల్ హాసన్, దీపికా పదుకొణె పాల్గొంటారని వైజయంతీ మూవీస్ వెల్లడి చేసింది.
ఇప్పటివరకు ప్రాజెక్ట్ కె కామిక్ కాన్ టూర్ నుండి విడుదలైన ఫోటోల్లో దీపికా పదుకొణె ఎక్కడా కనిపించలేదు. మరి దీపికా ఎంట్రీ ఉంటుందా ఉండదా అన్నది తెలియాలి.
ప్రస్తుతం కామిక్ కాన్ ఈవెంట్లోని ప్రాజెక్ట్ కె టీమ్ ఫోటోలు ఇంటర్నెట్ లో వైరల్ గా మారుతున్నాయి.
Details
హాల్ హెచ్ వేదికగా గ్లింప్స్ రిలీజ్
ఈ ఈవెంట్లో హాల్ హెచ్ వేదికగా ప్రాజెక్ట్ కె టైటిల్, గ్లింప్స్ ని రిలీజ్ చేయబోతున్నారు. ప్రాజెక్ట్ కె గ్లింప్స్ కోసం అభిమానులంతా ఎంతగానో ఎదురుచూస్తున్నారు.
ఇప్పటివరకు రిలీజ్ చేసిన ప్రభాస్ లుక్, దీపికా పదుకొణె పోస్టర్లు అభిమానులను అంతగా అలరించలేకపోయాయి. గ్లింప్స్ తో నాగ్ అశ్విన్ ఏదైనా మాయ చేస్తాడని అందరూ అనుకుంటున్నారు.
భారతీయ కాలమానం ప్రకారం ప్రాజెక్ట్ కె గ్లింప్స్, జులై 21న విడుదల కానుంది. అంటే రేపు విడుదల అవుతుందన్నమాట. మరి ఏ సమయానికి రిలీజ్ చేస్తారో చూడాలి. ప్రాజెక్ట్ కె సినిమాలో అమితాబ్ బచ్చన్, దిశా పటాని కీలక పాత్రల్లో కనిపిస్తున్నారు.