ప్రాజెక్ట్ కె కొత్త చరిత్ర: కామిక్ కాన్ ఇంటర్నేషనల్ ఈవెంట్ లో పార్టిసిపేషన్; గ్లింప్స్ విడుదల ఆరోజే
ఈ వార్తాకథనం ఏంటి
గతకొన్ని రోజులుగా ప్రభాస్ నటిస్తున్న ప్రాజెక్ట్ కె సినిమా మీద వస్తున్న హైప్ అంతా ఇంతా కాదు. తెలుగు సినిమా ఖ్యాతిని మరింత పెంచే సినిమాగా, హాలీవుడ్ చిత్రాలకు పోటీనిచ్చే చిత్రంగా ప్రాజెక్ట్ కె అవుతుందని పలువురు సెలెబ్రిటీలు చెబుతూనే ఉన్నారు.
ఆ మాటలకు తగినట్లుగానే ప్రాజెక్ట్ కె టీమ్ తీసుకుంటున్న నిర్ణయాలు ఉంటున్నాయి. తాజాగా ప్రాజెక్ట్ కె టీమ్, కామిక్ కాన్ ఇంటర్నేషనల్ ఈవెంట్ లో పాల్గొంటున్నట్టు అధికారికంగా తెలియజేసింది.
అమెరికాలోని కాలిఫోర్నియా రాష్ట్రం శాన్ డియాగో నగరంలో జరిగే కామిక్ కాన్ ఇంటర్నేషనల్ ఈవెంట్ లో జులై 20వ తేదీన ప్రాజెక్ట్ కె టీమ్ పాల్గోంటుంది.
ఈ ఈవెంట్ లో పాల్గొనబోతున్న మొట్టమొదటి చిత్రంగా ప్రాజెక్ట్ కె నిలవబోతుంది.
Details
గ్లింప్స్ వీడియో రిలీజ్ అయ్యేది ఆరోజే
కామిక్ కాన్ ఇంటర్నేషనల్ ఈవెంట్ కి ప్రపంచ వ్యాప్తంగా అన్ని దేశాల నుండి సినిమా ప్రేమికులు, కామిక్స్ ని ఇష్టపడేవారు వస్తుంటారు.
సుమారు లక్ష మంది ఈ ఈవెంట్ లో పాల్గొననున్నారని సమాచారం. జులై 19వ తేదీన సాయంత్రం పార్టీతో మొదలైన ఈవెంట్, జులై 23వ తేదీన ముగియనుంది.
ఇందులో జులై 20వ తేదీన ప్రాజెక్ట్ కె నుండి ప్రభాస్, దీపికా పదుకునే, కమల్ హాసన్, నాగ్ అశ్విన్ పాల్గొంటారని తెలుస్తోంది.
మరో విషయం ఏంటంటే, అదే రోజున ప్రాజెక్ట్ కె టైటిల్ రివీల్ తో పాటు ట్రైలర్ రిలీజ్ డేట్ ని కూడా రివీల్ చేయనున్నారట. అలాగే గ్లింప్స్ వీడియో రిలీజ్ అవుతుందని అంటున్నారు.