Pushpa 2 Pre Release Business: రూ.1000 కోట్ల ప్రీరిలీజ్‌ బిజినెస్ చేసిన పుష్ప-2
2021 డిసెంబర్‌లో విడుదలైన సుకుమార్ దర్శకత్వం వహించిన 'పుష్ప-1' చిత్రం, అల్లు అర్జున్ హీరోగా బ్లాక్‌బస్టర్ విజయాన్ని సాధించిన సంగతి తెలిసిందే. ఇప్పుడు ఈ సినిమాకి కొనసాగింపుగా 'పుష్ప 2' (Pushpa 2: The Rule) డిసెంబర్‌లో ప్రేక్షకుల ముందుకు రానుంది. 'పుష్ప-2'పై భారీ అంచనాలు ఉన్నాయి, ఈ అంచనాలకు అనుగుణంగా సినిమా ప్రీ రిలీజ్ బిజినెస్ కూడా భారీగా జరిగింది. ఈ చిత్రం ఇండియన్ సినిమా చరిత్రలోనే అత్యధిక ప్రీ రిలీజ్ బిజినెస్ చేసిన చిత్రంగా కొత్త రికార్డు సృష్టించింది.
వరల్డ్‌వైడ్‌గా రూ.640 కోట్ల థియేట్రికల్ బిజినెస్
తెలంగాణ , ఆంధ్రప్రదేశ్ లలో పుష్ప-2 థియేట్రికల్ బిజినెస్ రూ.220 కోట్లు, తమిళనాడులో రూ.50 కోట్లు, కర్ణాటకలో రూ.30 కోట్లు, కేరళలో రూ.20 కోట్లు, నార్త్ ఇండియాలో రూ.200 కోట్లు, అలాగే ఓవర్సీస్‌లో రూ.120 కోట్లు బిజినెస్ చేసింది. మొత్తం మీద వరల్డ్‌వైడ్‌గా ఈ సినిమా రూ.640 కోట్ల థియేట్రికల్ బిజినెస్ చేసింది. బాక్సాఫీస్ వద్ద హిట్‌గా నిలవాలంటే, ఈ చిత్రం దాదాపు రూ.1300 కోట్ల గ్రాస్ వసూలు చేయాల్సి ఉంటుంది.
థియేట్రికల్, నాన్-థియేట్రికల్ కలిపి మొత్తం రూ.1065 కోట్ల ప్రీ రిలీజ్ బిజినెస్
ఇక నాన్-థియేట్రికల్ బిజినెస్ విషయానికి వస్తే, డిజిటల్ స్ట్రీమింగ్ రైట్స్‌ను నెట్‌ఫ్లిక్స్ రూ.275 కోట్లకు సొంతం చేసుకుంది. మ్యూజిక్ రైట్స్ రూ.65 కోట్లకు, శాటిలైట్ రైట్స్ రూ.85 కోట్లకు అమ్ముడయ్యాయి. థియేట్రికల్, నాన్-థియేట్రికల్ కలిపి మొత్తం రూ.1065 కోట్ల ప్రీ రిలీజ్ బిజినెస్ జరగడం విశేషం. ఇండియన్ సినిమా చరిత్రలో ఇంత భారీ ప్రీ రిలీజ్ బిజినెస్ సాధించిన చిత్రం ఇదే. 'బాహుబలి' తర్వాత రాజమౌళి దర్శకత్వంలో వచ్చిన 'ఆర్ఆర్ఆర్' కూడా ఈ స్థాయిలో బిజినెస్ చేయకపోవడం గమనార్హం.
