Pushpa2 : ట్రైలర్ రిలీజ్ కు ముహూర్తం ఫిక్స్.. ఎప్పుడంటే ..?
ఐకాన్ స్టార్ అల్లు అర్జున్, సుకుమార్ కాంబినేషన్ లో రూపొందుతున్న "పుష్ప 2" పై భారీ అంచనాలు ఏర్పడుతున్నాయి. బన్నీ అభిమానులు, సినీ ప్రియులు ఈ చిత్రాన్ని ఎంతో ఆసక్తిగా ఎదురుచూస్తున్నారు. ఈ ఏడాది ఆగస్టులో విడుదల కావాల్సిన ఈ సినిమా అనుకోని కారణాల వలన డిసెంబర్ 6న ప్రపంచ వ్యాప్తంగా విడుదల కాబోతుంది. ఈ నేపథ్యంలో, షూటింగ్ పనులు వేగంగా జరుగుతున్నాయి. దర్శకుడు సుకుమార్, రెండు టీమ్‌లతో కలిసి లాంగ్ షెడ్యూల్‌లో షూటింగ్‌ను జెట్ స్పీడ్‌లో చేస్తున్నారు. ఈ సినిమా సెకండాఫ్ షూటింగ్‌ను పూర్తిచేస్తున్నారు. ఒక టీమ్ రామోజీ ఫిల్మ్ సిటీలో, మరొక టీమ్ కాకినాడలో షూట్ చేస్తున్నారు.
స్పెషల్ సాంగ్ విడుదల చేసే అవకాశం
ఇటీవల,బన్నీ కాకినాడ షూటింగ్‌లో చేరాడు.ఈ చిత్రం అక్టోబర్ చివరికి పూర్తవుతుందని నిర్మాత రావి శంకర్ వారం క్రితం వెల్లడించారు. ఈ నేపథ్యంలో, ప్రమోషన్స్ పై దృష్టి పెట్టిన మేకర్స్, నవంబర్ రెండో వారంలో ట్రైలర్ విడుదల చేయడానికి ప్రణాళికలు వేస్తున్నారు. అదే నెలలో చిత్రంలోని 4 పాటల్లో క్లైమాక్స్‌లో వచ్చే స్పెషల్ సాంగ్ విడుదల చేసే అవకాశం ఉందని సమాచారం. ఇక, ఐటం సాంగ్ ప్రత్యేక ఆకర్షణగా ఉండి, విడుదలకు కొద్దిరోజులు ముందు ఆ పాటను విడుదల చేయాలని యూనిట్ సన్నాహాలు చేస్తోంది. ఈ చిత్రంలో బన్నీ సరసన రష్మిక మందాన హీరోయిన్‌గా నటిస్తోంది. మైత్రీ మూవీ మేకర్స్ నిర్మిస్తున్న ఈ భారీ బడ్జెట్ చిత్రానికి దేవి శ్రీ ప్రసాద్ సంగీతం సమకూరుస్తున్నారు.
