Samantha: స్టార్ హీరోయిన్ల భద్రతపై ప్రశ్నార్థకం? నిధి తర్వాత సమంత!
ఈ వార్తాకథనం ఏంటి
ఇటీవల హీరోయిన్ నిధి అగర్వాల్కు లులు మాల్లో 'ది రాజా సాబ్' సినిమా పాట విడుదల సందర్భంగా ఎదురైన చేదు అనుభవం తెలిసిందే. ఇప్పుడు అదే తరహా ఘటన హైదరాబాద్లో సమంతకు ఎదురైంది. ఓ షోరూమ్ ఓపెనింగ్ కార్యక్రమం ముగిసిన తర్వాత తిరిగి వెళ్తున్న సమంతను చూసేందుకు అభిమానులు ఒక్కసారిగా దూసుకొచ్చారు. దీంతో తన వ్యక్తిగత భద్రతా సిబ్బంది సాయంతో అతి కష్టం మీద అక్కడి నుంచి బయటపడాల్సి వచ్చింది. ఈ ఘటనకు సంబంధించిన వీడియోలు సోషల్ మీడియాలో వైరల్ కావడంతో అభిమానుల ప్రవర్తనపై తీవ్ర విమర్శలు వెల్లువెత్తుతున్నాయి. నిన్న సాయంత్రం హైదరాబాద్ జూబ్లీహిల్స్లోని చెక్పోస్ట్ ప్రాంతంలో ఏర్పాటు చేసిన సిరిమల్లె శారీస్ కొత్త షోరూమ్ ప్రారంభోత్సవానికి సమంత ముఖ్య అతిథిగా హాజరయ్యారు.
Details
అసలేం జరిగింది?
ఈ కార్యక్రమానికి ఆమె అభిమానులు భారీ సంఖ్యలో తరలివచ్చారు. షోరూమ్ ఓపెనింగ్ కార్యక్రమం ముగిసిన అనంతరం సమంత బయటకు వచ్చి తన కారు వద్దకు వెళ్తుండగా, అభిమానులు ఒక్కసారిగా ఆమెను చూసేందుకు ఎగబడ్డారు. సమంతను చుట్టుముట్టి సెల్ఫీలు తీసుకోవడానికి ప్రయత్నించారు. దీంతో పరిస్థితి ఒక్కసారిగా అదుపు తప్పింది. కారు వరకు చేరుకోవడం కూడా కష్టంగా మారింది. ఈ పరిస్థితుల్లో సమంత వ్యక్తిగత సెక్యూరిటీ సిబ్బంది అప్రమత్తమయ్యారు. అతి కష్టం మీద అభిమానుల గుంపు మధ్య నుంచి ఆమెను తప్పించి, సురక్షితంగా కారులో కూర్చోబెట్టారు. ఈ ఘటనకు సంబంధించిన వీడియోలు ప్రస్తుతం నెట్టింట వైరల్గా మారాయి. దాంతో నెటిజన్లు తమదైన శైలిలో స్పందిస్తూ, అభిమానుల ప్రవర్తనపై విమర్శలు చేస్తున్నారు.