Raj Dasireddy: ద్విభాషా చిత్రానికి గ్రీన్ సిగ్నల్ ఇచ్చిన రాజ్ దాసిరెడ్డి
ప్రముఖ దర్శకుడు మారుతి దర్శకత్వ పర్యవేక్షణలో రూపొందిన 'భద్రం బి కేర్ ఫుల్ బ్రదర్' విజయం సాధించింది. ఈ సినిమాతో హీరోగా పరిచయమైన యువ కథానాయకుడు రాజ్ దాసిరెడ్డి ఓ ద్విభాషా చిత్రంలో నటించేందుకు గ్రీన్ సిగ్నల్ ఇచ్చినట్లు తెలుస్తోంది. ఊటీ బ్యాక్ డ్రాప్‌లో రూపొందే ఈ విభిన్న ప్రేమ కథా చిత్రం కోసం ఊటీలో ఇప్పటివరకూ షూటింగ్ చేయని అద్భుతమైన లోకేషన్లు అన్వేషిస్తున్నారట. రాజ్ దాసిరెడ్డికి తెలుగులో పలు ఆఫర్స్ వచ్చినప్పటికీ అదే సమయంలో ఓ హాలీవుడ్ ప్రాజెక్టులో నటించే అవకాశం రావడంతో అక్కడికి వెళ్లాడు.
శిక్షణ కోసం న్యూయార్క్ లో ఉన్న రాజ్ దాసిరెడ్డి
హాలీవుడ్ ప్రాజెక్టు కోసం వివిధ అంశాల్లో శిక్షణ తీసుకుంటూ అతను అమెరికాలోని 'న్యూయార్క్'లోనే ఉండిపోవాల్సి వచ్చింది. అయితే విజువల్ ఎఫెక్ట్స్ ప్రధానంగా తెరకెక్కనున్న సదరు ప్రాజెక్టు సెట్స్ కి వెళ్లేందుకు మరింత సమయం పడుతుండటంతో ఈలోగా ఓ ద్విభాసా చిత్రానికి రాజ్ దాసిరెడ్డి గ్రీన్ ఇచ్చాడు. ప్రస్తుతం ఫ్రీ ప్రొడక్షన్ పనులు జరుపుకుంటున్న ఈ చిత్రానికి సంబంధించిన పూర్తి వివరాలు తెలియాలంటే మరికొన్ని రోజులు ఆగాల్సిందే.
