Varanasi: రాజమౌళి మాస్టర్ ప్లాన్.. 'వారణాసి' యాక్షన్ షెడ్యూల్ కోసం నెలరోజుల షూటింగ్!
ఈ వార్తాకథనం ఏంటి
మహేష్ బాబు - ఎస్.ఎస్ రాజమౌళి కాంబినేషన్లో రూపొందుతున్న మోస్ట్ అవైటెడ్ గ్లోబల్ అడ్వెంచర్ మూవీ 'వారణాసి'పై మరో భారీ అప్డేట్ బయటకు వచ్చింది. ఇండియన్ సినిమా చరిత్రలోనే అత్యంత భారీ బడ్జెట్తో తెరకెక్కుతున్న ఈ ప్రతిష్టాత్మక ప్రాజెక్ట్ ప్రస్తుతం శరవేగంగా షూటింగ్ జరుపుకుంటోంది. ఇదిలా ఉంటే, ఈ సినిమాకు సంబంధించిన తాజా సమాచారం ఇప్పుడు ఫిల్మ్ నగర్ వర్గాల్లో హాట్ టాపిక్గా మారింది. తాజా సమాచారం ప్రకారం, వచ్చే జూన్ రెండో వారం నుంచి ఈ చిత్రానికి సంబంధించిన అత్యంత కీలకమైన, భారీ యాక్షన్ షెడ్యూల్ ప్రారంభం కానుంది.
వివరాలు
భారీ యాక్షన్ సన్నివేశాల చిత్రీకరణ
జూన్ సెకండ్ వీక్లో స్టార్ట్ కానున్న ఈ కొత్త షెడ్యూల్లో మహేష్ బాబుపై అంతర్జాతీయ స్టంట్ మాస్టర్ల పర్యవేక్షణలో భారీ యాక్షన్ సన్నివేశాలను చిత్రీకరించనున్నారు. ముఖ్యంగా ఈ యాక్షన్ ఎపిసోడ్స్ కోసం నెలకు పైగా నిరంతరాయంగా షూటింగ్ నిర్వహించనున్నట్లు తెలుస్తోంది. ఇక ఈ సినిమాలో మహేష్ బాబు తన కెరీర్లో ఎప్పుడూ చేయని విధంగా ద్విపాత్రాభినయం చేయబోతున్నట్లు సమాచారం. ఆయన 'రుద్ర', 'శ్రీరాముడు' అనే రెండు పవర్ఫుల్ షేడ్స్ కలిగిన పాత్రల్లో కనిపించనున్నారని టాక్ వినిపిస్తోంది. మరోవైపు గ్లోబల్ స్టార్ ప్రియాంక చోప్రా ఈ చిత్రంలో 'మందాకిని' అనే కీలక పాత్రలో నటిస్తున్నట్లు తెలుస్తోంది.
వివరాలు
ఏప్రిల్ 7న రిలీజ్
ప్రపంచవ్యాప్తంగా పలు అంతర్జాతీయ భాషల్లో ఈ చిత్రాన్ని భారీ స్థాయిలో విడుదల చేయడానికి మేకర్స్ సన్నాహాలు చేస్తున్నారు. ఈ ప్రతిష్టాత్మక సినిమాను 2027 ఏప్రిల్ 7న థియేటర్లలోకి తీసుకురావాలని ప్లాన్ చేస్తున్నట్లు సమాచారం. ఇప్పటికే 'బాహుబలి', ఆర్ఆర్ఆర్ చిత్రాలతో తెలుగు సినిమా ఖ్యాతిని ప్రపంచ స్థాయికి తీసుకెళ్లిన రాజమౌళి.. ఇప్పుడు మహేష్ బాబుతో కలిసి మరెంత భారీ విజువల్ వండర్ సృష్టిస్తారోనని అభిమానులు ఆసక్తిగా ఎదురుచూస్తున్నారు.