KrishnaRama డైరెక్ట్ ఓటీటీ రిలీజ్: రాజేంద్ర ప్రసాద్, గౌతమి నటించిన సినిమా స్ట్రీమింగ్ ఎక్కడంటే?
ఈ వార్తాకథనం ఏంటి
సీనియర్ హీరో రాజేంద్రప్రసాద్, సీనియర్ హీరోయిన్ గౌతమి ప్రధాన పాత్రల్లో తెరకెక్కిన కృష్ణారామా చిత్రం డైరెక్ట్ గా ఓటీటీలో విడుదల అవుతుంది.
అప్పట్లో రాజేంద్రప్రసాద్, గౌతమి హీరో హీరోయిన్లుగా బామ్మ మాట బంగారు బాట, గాంధీ నగర్ రెండవ వీధి, ఇంకా అనేక సినిమాల్లో నటించారు.
ఆ తర్వాత రీసెంట్ గా రాజేంద్రప్రసాద్, గౌతమి కలిసి అన్నీ మంచి శకునములే అనే సినిమాలో నటించారు.
అదలా ఉంచితే, ప్రస్తుతం కృష్ణారామా అనే సినిమాలో మళ్లీ దర్శనమిస్తున్నారు. కృష్ణారామా సినిమాలో, 31 వెడ్స్ 21 సిరీస్ ఫేమ్ అనన్య కీలక పాత్రలో నటించింది.
Details
కృష్ణారామా స్ట్రీమింగ్ ఎక్కడంటే?
కృష్ణారామా ట్రైలర్ ని చిత్రబృందం విడుదల చేసింది. ఇందులో చూపించిన దాని ప్రకారం, వృద్ధులైన రాజేంద్రప్రసాద్, గౌతమి పాత్రలకు ఫేస్ బుక్ లో మంచి ఫాలోయింగ్ ఏర్పడుతుంది.
దాంతో వాళ్ళిద్దరూ సోషల్ మీడియా సెలబ్రిటీలుగా మారిపోతారు. ఆ తర్వాత వాళ్ళిద్దరికీ కొన్ని సమస్యలు ఏర్పడతాయన్నట్టుగా ట్రైలర్ లో చూపించారు.
ట్రైలర్ చివరి షాట్ లో, రాజేంద్రప్రసాద్, గౌతమి పాత్రలు లైవ్ లో సూసైడ్ చేసుకొని చనిపోబోతున్నారని టీవీలో వార్తలు వస్తున్నట్లుగా చూపించారు.
రాజ్ మాదిరాజు దర్శకత్వం వహించిన కృష్ణారామా సినిమాకు సునీల్ కశ్యప్ సంగీతం అందించారు.
ఆదిత్య మూవీస్ బ్యానర్ పై రూపొందిన ఈ సినిమా ఈటీవీ విన్ యాప్ లో అక్టోబర్ 22 నుండి స్ట్రీమింగ్ అవుతుంది.