Rakul-Jackky Wedding: రెండు సంప్రదాయాలలో రకుల్ ప్రీత్ సింగ్-జాకీ భగ్నానీ పెళ్లి
రకుల్ ప్రీత్ సింగ్,జాకీ భగ్నానీ బుధవారం వివాహబంధంలోకి అడుగు పెడుతున్నారు. ఇండియా టుడే నివేదిక ప్రకారం,స్నేహితులు,కుటుంబ సభ్యుల సమక్షంలో ITC గ్రాండ్ సౌత్ గోవాలో మధ్యాహ్నం వారి వివాహం జరుగుతుంది. నివేదిక ప్రకారం,రకుల్ ప్రీత్,జాకీకి రెండు సంప్రదాయాల ప్రకారం వివాహం జరగనుంది. ఇవాళ ఉదయం 'చుద్దా' అనే సంప్రదాయంతో కార్యక్రమం మొదలవుతుంది. ఆ తర్వాత ఈ జంట మధ్యాహ్నం 3.30 గంటల తర్వాత ITC గ్రాండ్ సౌత్ గోవాలో ఒకటి కానున్నారు. ఆనంద్ కరాజ్, సింధీ-శైలి వేడుక, వారి రెండు సంస్కృతులను ప్రతిబింబిస్తుంది.
వివాహానంతరం అతిథులందరికీ గ్రాండ్ పార్టీ
ఈ వివాహ వేడుకలలో బంధువులు, కొద్ది మంది మిత్రులు అలాగే పలువురు సినీ, రాజకీయ ప్రముఖులు పాల్గొని .. కొత్త జంటను ఆశీర్వదించునున్నారు. పెళ్లి తర్వాత, నూతన వధూవరులు అతిథులందరికీ గ్రాండ్ గా పార్టీ ఇవ్వనున్నారు. ఈ వివాహ వేడుకలకు శిల్పాశెట్టి, ఆమె భర్త రాజ్ కుంద్రా, టైగర్ ష్రాఫ్, అక్షయ్ కుమార్, షాహిద్ కపూర్, భూమి పెడ్నేకర్, ఈషా డియోల్, సోనమ్ కపూర్ లు హాజరుకానున్నారని సమాచారం. పెళ్లి తర్వాత కొద్ది రోజులు గ్యాప్ తీసుకొని మళ్లీ సినిమాల్లో బిజీ కానున్నారని తెలుస్తోంది.
