RC 16: హై-ఓల్టేజ్ యాక్షన్ సీక్వెన్స్‌లో బిజీగా రామ్ చరణ్
ఈ వార్తాకథనం ఏంటి
గ్లోబల్ స్టార్ రామ్ చరణ్ తన 16వ సినిమా 'RC16' షూటింగ్‌లో బిజీగా ఉన్నారు. ఈ పాన్-ఇండియా చిత్రం ప్రస్తుతం హైదరాబాద్ శివార్లలో చిత్రీకరణ జరుపుకుంటోంది. తాజా సమాచారం ప్రకారం, ఈ చిత్రంలో రామ్ చరణ్‌తో పాటు బాలీవుడ్ నటుడు దివ్యేందు శర్మ, కన్నడ స్టార్ శివ రాజ్‌కుమార్ కలిసి ఓ హై-ఓల్టేజ్ యాక్షన్ సీక్వెన్స్‌లో నటిస్తున్నారు. భారీ యాక్షన్ సన్నివేశం ఈ యాక్షన్ సీక్వెన్స్ సినిమాకు కీలకంగా మారనుందని తెలుస్తోంది. భారీ స్థాయిలో చిత్రీకరిస్తున్న ఈ సన్నివేశం సినిమా ఉత్కంఠను మరింత పెంచనుంది. ఫైట్స్‌, స్టంట్‌ కొరియోగ్రఫీని అత్యున్నత స్థాయిలో ప్లాన్ చేస్తున్నట్లు సమాచారం.
Details
RC16 మూవీపై భారీ అంచనాలు
'ఉప్పెన' ఫేమ్ బుచ్చిబాబు సానా దర్శకత్వం వహిస్తున్న ఈ సినిమాలో జాన్వీ కపూర్ హీరోయిన్‌గా నటిస్తోంది. ఏ.ఆర్. రెహమాన్ సంగీతం అందిస్తుండటంతో మ్యూజిక్‌పై భారీ అంచనాలు ఉన్నాయి. స్పోర్ట్స్ డ్రామా నేపథ్యంతో రూపొందుతున్న ఈ చిత్రం రామ్ చరణ్ అభిమానుల్లో భారీ హైప్ క్రియేట్ చేస్తోంది.