ఇండియన్ 2 డబ్బింగ్ పనుల్లో శంకర్: అప్డేట్ కోసం అసహనాన్ని వ్యక్తం చేస్తున్న రామ్ చరణ్ అభిమానులు
ఈ వార్తాకథనం ఏంటి
ఆర్ఆర్ఆర్ సినిమా తర్వాత రామ్ చరణ్ నుండి గేమ్ ఛేంజర్ సినిమా వస్తున్న సంగతి తెలిసిందే. దర్శకుడు శంకర్ రూపొందిస్తున్న ఈ సినిమాపై అభిమానుల్లో భారీ అంచనాలు ఉన్నాయి.
అయితే ఈ సినిమా నుండి ఇప్పటివరకు మోషన్ పోస్టర్ తప్ప ఎలాంటి అప్డేట్ బయటకు రాలేదు. సినిమా షూటింగ్ ఎక్కడి వరకు వచ్చిందో కూడా చిత్రబృందం వెల్లడి చేయలేదు.
అయితే తాజాగా రాంచరణ్ అభిమానులు దర్శకుడు శంకర్ పై తమ అసహనాన్ని వ్యక్తం చేస్తున్నారు. దానికి కారణం ఇండియన్ 2 సినిమా డబ్బింగ్ పనులు మొదలు కావడమే.
దర్శకుడు శంకర్ ఇటు గేమ్ చేంజర్ సినిమాతో పాటు కమల్ హాసన్ హీరోగా ఇండియన్ 2 సినిమాను కూడా ఒకే కాలంలో తెరకెక్కిస్తున్నాడు.
Details
ఇండియన్ 2 డబ్బింగ్ పనులపై గ్లింప్స్ వీడియో
ఇండియన్ 2 సినిమా షూటింగ్ చకచకా జరుగుతూ వచ్చింది. ఇప్పుడు డబ్బింగ్ పనులు కూడా మొదలైపోయాయి. ఈ మేరకు చిత్ర నిర్మాణ సంస్థ ఒకానొక గ్లింప్స్ వీడియోను రిలీజ్ చేసింది.
ఈ వీడియోలో కమల్ హాసన్, దర్శకుడు శంకర్ కనిపించారు. ఇండియన్ 2 నుండి అప్డేట్స్ వస్తున్నాయి.
కానీ గేమ్ ఛేంజర్ నుండి ఎలాంటి అప్డేట్స్ రావడం లేదని రామ్ చరణ్ అభిమానులు తమ అసహనాన్ని వ్యక్తం చేస్తున్నారు. గేమ్ ఛేంజర్ సినిమా సినిమా నుండి అప్డేట్ ఇవ్వాలని రామ్ చరణ్ అభిమానులు కోరుతున్నారు.
దిల్ రాజు నిర్మాతగా వ్యవహరిస్తున్న గేమ్ ఛేంజర్ సినిమాలో కియారా అద్వానీ హీరోయిన్ గా నటిస్తోంది.