Ram Charan : చెర్రీ ఫ్యాన్స్‌కు గుడ్ న్యూస్.. గేమ్ ఛేంజర్ సినిమా తదుపరి షెడ్యూల్ ఎప్పుడంటే..
ఈ వార్తాకథనం ఏంటి
టాలీవుడ్ మెగా హీరో రామ్ చరణ్, స్టార్ డైరెక్టర్ శంకర్ దర్శకత్వంలో గేమ్ ఛేజంర్ సినిమా పనుల్లో బిజీగా ఉన్నారు. ప్రస్తుతం ఈ సినిమా షూటింగ్ జరుపుకుంటోంది.
ఇందుకు సంబంధించిన తాజా అప్డేట్ రిలీజ్ అయ్యింది. ఈ చిత్రానికి సంబందించిన తదుపరి షూటింగ్ షెడ్యూల్ మైసూర్ ప్రాంతంలో నవంబర్ 23, గురువారం నుంచి ప్రారంభం కానున్నట్లు తెలుస్తోంది.
దిల్ రాజు నిర్మిస్తున్న ఈ మూవీ పాన్ ఇండియా స్థాయిలో విడుదల కానుంది. ఇదే సమయంలో చరణ్ సరసన కియారా అద్వానీ హీరోయిన్‌గా ఆడిపాడనుంది.
ఆర్ఆర్ఆర్ తర్వాత రామ్ చరణ్ చేస్తున్న సినిమా ఇదే కావడంతో దీనిపై ప్రేక్షకుల్లో అంచనాలు విపరీతంగా ఏర్పడ్డాయి.
details
గేమ్ ఛేంజర్ రిలీజ్ పై అంతా అలా అనుకున్నారు కానీ
శ్రీ వేంకటేశ్వర క్రియేషన్స్ పతాకంపై రూపుదిద్దుకుంటున్నఈ సినిమాకు కార్తిక్ సుబ్బరాజు కథ అందించారు. మ్యూజికల్ హీరో థమన్ సంగీత బాణీలను సమకూర్చుతున్నాడు.
2025 వేసవిలో ఈ సినిమా రిలీజ్ కానుందని వార్తలు వినిపిస్తున్నాయి.అయితే శంకర్ ఎక్కువగా భారతీయుడు-2 షూటింగ్ మీద దృష్టి సారించారు. ఈ క్రమంలో గేమ్ చేంజర్ షూటింగ్ మరింత ఆలస్యం అవుతూ వస్తోందని టాక్.
తొలుత ఈ మూవీ వచ్చే ఏడాది ఆగస్టులో విడుదల కానుందని అంతా భావించారు.కానీ షూటింగ్ ఆలస్యమవడంతో 2025 సంక్రాంతికి గానీ వేసవిలో గానీ రానుందట.
అయితే రామ్ 16వ సినిమా ఉప్పెన దర్శకుడు బుచ్చిబాబుతో ఉండనుంది. కీలక పాత్రలో హిందీ హీరో టైగర్ ష్రాఫ్ నటించనున్నట్లు సమాచారం. ఇందులో జాన్వీ కపూర్ హీరోయిన్‌గా ఖరారైంది.