Ram Charan-Upasana: రామ్చరణ్ ఇంట ఆనందోత్సవం.. కవలల పేర్లు ఇవే..
ఈ వార్తాకథనం ఏంటి
రామ్ చరణ్-ఉపాసన దంపతులకు జనవరి 31న కవలలు జన్మించిన విషయం తెలిసిందే. ఒక బాబు, ఒక పాప పుట్టడంతో వారి కుటుంబంలో ఆనందోత్సాహాలు వెల్లివిరిశాయి. ఈ చిన్నారులకు ఫిబ్రవరి 11న బారసాల కార్యక్రమాన్ని అత్యంత సన్నిహితులు, కుటుంబ సభ్యుల మధ్య సంప్రదాయబద్ధంగా నిర్వహించారు. తాజాగా ఓ ఆంగ్ల మీడియాతో మాట్లాడిన రామ్ చరణ్, తమ కవలల పేర్లను తొలిసారి వెల్లడించారు. అబ్బాయికి శివరామ్, అమ్మాయికి అన్వీరా దేవి అనే పేర్లు పెట్టినట్లు తెలిపారు. అలాగే ఈ పేర్లు ఎంచుకున్న నేపథ్యాన్ని కూడా వివరించారు.
వివరాలు
పేరు కోసం తల్లిదండ్రుల సూచనలు
పిల్లల పేర్ల ఎంపికపై తాను, ఉపాసన ఎంతో ఆలోచించినట్లు చరణ్ చెప్పారు. వినగానే ఆధ్యాత్మిక భావన కలిగేలా ఉండాలని కోరుకున్నామని, అందుకోసం తల్లిదండ్రుల సూచనలు కూడా తీసుకున్నామని పేర్కొన్నారు. కుమారుడికి పెట్టిన శివరామ్ పేరులో శివుడు, రాముడు అనే దైవ నామాలు కలిసి వచ్చేలా ఉండడమే కాకుండా, తన తండ్రి పేరు (శివశంకర్ వర ప్రసాద్) కలిసేలా శివరామ్ అని పెట్టాం. కుమార్తెకు పెట్టిన అన్వీరా దేవి పేరులో 'అన్' అంటే అపరిమితం, 'వీర' అంటే ధైర్యం, 'దేవి' అంటే దైవిక శక్తి అని అర్థమని వివరించారు. అపరిమిత ధైర్యం, దైవిక బలాన్ని సూచించేలా ఈ పేరు పెట్టామని చెప్పారు.
వివరాలు
2023లో కుమార్తె
2012లో రామ్ చరణ్-ఉపాసన వివాహబంధంతో ఒక్కటయ్యారు. 2023లో వారికి కుమార్తె జన్మించగా, 2026లో కవలల రాకతో వారి ఆనందం మరింత పెరిగింది. ఇద్దరు కుమార్తెలు, ఒక కుమారుడితో కుటుంబం సంపూర్ణమైందని భావిస్తున్నామని చరణ్ పేర్కొన్నారు. జీవితంలో మహిళలే అత్యంత బలం అని, ఎప్పుడూ అండగా నిలిచిన కుటుంబ సభ్యులు, అభిమానులు, శ్రేయోభిలాషులందరికీ కృతజ్ఞతలు తెలియజేస్తూ ఆయన తన ఆనందాన్ని సోషల్ మీడియాలో పంచుకున్నారు.