రామ్ పోతినేని, బోయపాటి శ్రీను కాంబోలో వస్తున్న స్కంద మూవీ ట్రైలర్ విడుదల ఎప్పుడంటే?
రామ్ పోతినేని కెరీర్లో మొదటి పాన్ ఇండియా సినిమా స్కంద తెరకెక్కుతోంది. మాస్, యాక్షన్ అంశాలతో సినిమా తెరకెక్కించే బోయపాటి శ్రీను దర్శకత్వంలో రూపొందిన ఈ సినిమా ట్రైలర్ పై తాజాగా ఖతర్నాక్ అప్డేట్ వచ్చింది. ఇప్పటివరకు స్కంద సినిమా నుండి చిన్నపాటి గ్లింప్స్ విడుదలైంది. అలాగే రెండు పాటలు రిలీజయ్యాయి. ప్రస్తుతం ట్రైలర్ ని విడుదల చేసే పనిలో ఉన్నారు. స్కంద ట్రైలర్ విడుదలకు వేదిక కన్ఫామ్ ఐపోయినట్లు సమాచారం. ఈ నెల 26వ తేదీన హైదరాబాద్ లోని శిల్పకళా వేదికలో స్కంద ట్రైలర్ లాంచ్ ఉండనుందని తెలుస్తోంది. అందుకు సంబంధించిన కార్యక్రమాలన్నీ జరుగుతున్నాయని సమాచారం.
సెప్టెంబర్ 15వ తేదీన విడుదల కానున్న స్కంద
స్కంద సినిమాలో ధమాకా బ్యూటీ శ్రీలీల హీరోయిన్ గా కనిపిస్తోంది. ఆమెకు ఇది మొదటి పాన్ ఇండియా చిత్రం కావడం విశేషం. స్కంద సినిమాలో శ్రీలీల స్టెప్పులు అందర్నీ ఆకర్షించనున్నాయట. ఇప్పటివరకు రిలీజైన నీ చుట్టు చుట్టు అనే పాటలో శ్రీలీల స్టెప్పులు అదరహో అనిపించాయి. మిగతా పాటల్లోనూ అదిరిపోయే స్టెప్పులతో శ్రీలీల ఆకట్టుకుంటుందని సమాచారం. శ్రీనివాస సిల్వర్ స్క్రీన్ బ్యానర్ లో రూపొందుతున్న ఈ సినిమాను శ్రీనివాస చిట్టూరి నిర్మిస్తున్నారు. ట్రైలర్ విడుదల తర్వాత ప్రమోషన్ల జోరు పెంచి సెప్టెంబర్ 15వ తేదీన తెలుగు, తమిళం, కన్నడ, మలయాళం, హిందీ భాషల్లో సినిమాను రిలీజ్ చేసేందుకు స్కంద టీమ్ సిద్ధమవుతోంది.
