Ranveer Singh : దీపికా 8 గంటల వర్క్ షిఫ్ట్పై రణవీర్ సింగ్ హాట్ కామెంట్స్
ఈ వార్తాకథనం ఏంటి
బాలీవుడ్ స్టార్ హీరో రణవీర్ సింగ్, కోలీవుడ్ యాంగ్రీ యంగ్మ్యాన్ మాధవన్, సంజయ్ దత్, అక్షయ్ ఖన్నా కీలక పాత్రల్లో నటించిన చిత్రం 'ధురంధర్'. డిసెంబర్ 5న ప్రపంచవ్యాప్తంగా విడుదలై, తొలి రోజు నుంచే సూపర్ టాక్తో బాక్సాఫీస్ వద్ద కలెక్షన్ల వర్షం కురిపిస్తోంది. ఇప్పటికే రూ. 350 కోట్లకు పైగా వసూళ్లు సాధించి, బాలీవుడ్లో 'పుష్ప 2' పేరిట ఉన్న పలు రికార్డులను కూడా బద్దలు కొట్టింది. ఇటీవల ఈ చిత్రానికి పార్ట్ 2 అధికారికంగా ఖరారవడంతో అభిమానులు సంబరాలు చేసుకుంటున్నారు. తాజాగా గ్రాండ్గా నిర్వహించిన సక్సెస్ మీట్తో 'ధురంధర్' ఇప్పుడు కేవలం ఒక సినిమా మాత్రమే కాకుండా, బాలీవుడ్కు ఇయర్ ఎండ్లో వచ్చిన సర్ప్రైజ్ సక్సెస్గా కూడా మారిందని చెప్పవచ్చు.
Details
నాపై ఫిర్యాదు చేస్తుంటారు
కొంతకాలంగా సరైన హిట్ లేక ఇబ్బంది పడుతున్న రణవీర్ సింగ్కు 'ధురంధర్' నిజంగా బిగ్ కమ్బ్యాక్గా నిలిచింది. ఇదిలా ఉండగా, ఆయన భార్య దీపికా పదుకొణే రోజుకు ఎనిమిది గంటలు మాత్రమే పని చేస్తానని చేసిన వ్యాఖ్యలపై ఇటీవల తీవ్ర వ్యతిరేకత వ్యక్తమవుతున్న విషయం తెలిసిందే. ఈ నేపథ్యంలో ఆ వ్యాఖ్యలకు కౌంటర్గా రణవీర్ సింగ్ చేసిన వ్యాఖ్యల వీడియో ఒకటి సోషల్ మీడియాలో వైరల్గా మారింది. ఆ వీడియోలో రణవీర్ మాట్లాడుతూ చాలాసార్లు సహచర నటీనటులు నాపై ఫిర్యాదు చేస్తుంటారు.
Details
కొంచెం ఎక్కువసేపు షూటింగ్ చేసుకుంటే తప్పేముంది
8 గంటల షిఫ్ట్లో నేను కొన్నిసార్లు 10-12 గంటలు షూటింగ్ చేస్తాను. దాంతో వాళ్లూ నాతో పాటు ఎక్కువసేపు షూట్ చేయాల్సి వస్తుంది. అప్పుడు వారి ఇతర సినిమాల షెడ్యూల్స్కు ఇబ్బంది కలుగుతుంది. ఇప్పుడు 8 గంటల్లో అనుకున్న షూట్ పూర్తికాకపోతే పర్వాలేదు కదా. కొంచెం ఎక్కువసేపు షూటింగ్ చేసుకుంటే తప్పేముందని వ్యాఖ్యానించాడు. అయితే ఈ వీడియో 2022లో ఓ టీవీ ఛానెల్కు ఇచ్చిన ఇంటర్వ్యూకు సంబంధించినది. దీపికా వ్యాఖ్యల నేపథ్యంలో ఆ పాత వీడియోను తాజాగా బయటకు తీసి సోషల్ మీడియాలో పోస్ట్ చేయడంతో అది ఇప్పుడు విస్తృతంగా వైరల్గా మారింది.