Page Loader
హోమ్ / వార్తలు / సినిమా వార్తలు / #RAPO 22 : రామ్ పోతినేని 22 టైటిల్ గ్లింప్స్‌కి ముహూర్తం ఖరారు..! 
#RAPO 22 : రామ్ పోతినేని 22 టైటిల్ గ్లింప్స్‌కి ముహూర్తం ఖరారు..! 
రామ్ పోతినేని 22 టైటిల్ గ్లింప్స్‌కి ముహూర్తం ఖరారు..!

#RAPO 22 : రామ్ పోతినేని 22 టైటిల్ గ్లింప్స్‌కి ముహూర్తం ఖరారు..! 

వ్రాసిన వారు Sirish Praharaju
May 14, 2025
01:21 pm
ఈ వార్తాకథనం ఏంటి

టాలీవుడ్ యువహీరో రామ్ పోతినేని గురించి ప్రత్యేకంగా పరిచయం అవసరం లేదు. తక్కువ సమయంలోనే తనకంటూ మంచి మార్కెట్ ను సంపాదించుకున్నాడు. కానీ ఇటీవల కొంత కాలం విజయాల విషయంలో వెనుకబడిపోయాడు. వరుసగా విడుదలైన 'ది వారియర్', 'స్కంద', 'డబుల్ ఇస్మార్ట్' చిత్రాలు దారుణ అపజయాలను చవిచూశాయి. ఈ సందర్భంలో రామ్ కొంత గ్యాప్ తీసుకున్నాడు. ప్రస్తుతం, మహేష్ బాబు దర్శకత్వంలో రూపొందుతున్న ఒక భారీ సినిమాలో హీరోగా నటిస్తున్నాడు. ఈ చిత్రం మైత్రి మూవీ మేకర్స్ బ్యానర్‌పై రూపొందుతోంది. రామ్ సరసన హీరోయిన్‌గా భాగ్యశ్రీ బోర్సే నటిస్తోంది. ప్రేమకథా నేపథ్యంతో రూపొందుతున్న ఈ సినిమా రామ్ పోతినేని కోసం ఒక కొత్త మేకోవర్‌గా నిలవబోతుందని ఫిలింనగర్‌లో చర్చలు జరుగుతున్నాయి.

వివరాలు 

ఇంట్రెస్టింగ్ పోస్టర్ విడుదల

ఇక, ఈ సినిమా సంబంధించి ఇటీవల ఒక వార్త వైరల్ అవుతోంది. రామ్ పుట్టినరోజు అయిన మే 15న, ఈ సినిమా టైటిల్ గ్లిమ్స్ వీడియోని విడుదల చేయనున్నట్లు మూవీ టీం అధికారికంగా ప్రకటించింది. ఇక, ఈ చిత్రానికి సంబంధించిన గ్లింప్స్, టైటిల్‌ను మే 15 ఉదయం 10 గంటల 8 నిమిషాలకు రివీల్ చేయనున్నట్లు పేర్కొన్నారు. ఇదే కాకుండా, ఒక ఇంట్రెస్టింగ్ పోస్టర్ కూడా విడుదల చేశారు. అయితే, ఈ సినిమాకు సంబంధించిన టైటిల్ ఏంటి అనే విషయాన్ని తెలుసుకోవడానికి రేపటి వరకు వేచి చూడాల్సి ఉంది.

ట్విట్టర్ పోస్ట్ చేయండి

నిర్మాణ సంస్థ చేసిన ట్వీట్