ట్రోలింగ్ వల్ల మెంటల్ గా డిస్టర్బ్ అవుతున్న రష్మిక మందన్న
హీరోయిన్ రష్మికపై సోషల్ మీడియాలో ఏదో ఒక ట్రోలింగ్ నడుస్తూనే ఉంటుంది. అప్పుడెప్పుడో రక్షిత్ శెట్టితో నిశ్చితార్థం క్యాన్సిల్ అయినప్పటి నుండి మొదలైన ట్రోలింగ్ ఇప్పటికీ ఏదో ఒక విషయంలో నడుస్తూనే ఉంది. కాంతారా సినిమాపై మాట్లాడినపుడు, బాలీవుడ్ సినిమాల్లో రొమాంటిక్ పాటలు బాగుంటాయని చెప్పినపుడు రష్మికను విపరీతంగా ట్రోల్ చేసారు. రష్మికను కన్నడ సినిమాల్లోకి తీసుకోవద్దని, బ్యాన్ చేయాలని కూడా అన్నారు. ఈ వరుస ట్రోలింగ్స్ వల్ల తాను ఇబ్బంది పడుతున్నానని తాజాగా ఒకానొక ఇంటర్వ్యూలో వెల్లడి చేసింది రష్మిక. తనను విమర్శించేవాళ్ళు సరిగ్గా విమర్శిస్తే, వాటిని తీసుకునే అలవాటు తనకు ఉందని, అంతేకానీ ఇష్టం వచ్చినట్టుగా తిడుతూ, అసభ్యంగా మాట్లాడితే ఎలా భరించాలని ఆమె అంది.
అసభ్య వ్యాఖ్యల వల్ల మానసికంగా కుంగిపోతున్న రష్మిక
సోషల్ మీడియాలో వస్తున్న ట్రోల్స్ అన్నీ తనను మానసికంగా ఇబ్బంది పెట్టేలా ఉంటున్నాయని, దానివల్ల మెంటల్ గా చాలా డిస్టర్బ్ అవుతున్నట్లు రష్మిక చెప్పింది. ట్రోల్ చేసే వాళ్ళకు తన బాడీతో సమస్య ఉందని, సినిమాకి ఎంత వర్క్ చేస్తాం అనేది వాళ్ళు పట్టించుకోరని అంది. ఇంకా, ఒకవేళ తను ఎక్కువగా మాట్లాడితే అవసరం లేని వాదనలు చేస్తుందని, అదే అసలే మాట్లాడకపోతే ఆటిట్యూడ్ చూపిస్తుందని అంటారని రష్మిక వెల్లడి చేసింది. ట్రోల్ చేసే వాళ్ళు ఏ విషయంలో ట్రోల్ చేస్తున్నారో స్పష్టంగా ఉండాలని, ఆ ట్రోల్స్ నిజంగా సరైనవే అయితే తన బిహేవియర్ మార్చుకోవడానికి సిద్ధమని, అంతేకానీ అనవసరంగా అసభ్య పదజాలంతో దూషిస్తే మెంటల్ గా డిస్టర్బ్ అవుతున్నానని చెప్పింది.
