వారం రోజుల తర్వాత తమిళం మలయాళంలో రిలీజ్ కానున్న రావణాసుర, కారణమేంటంటే
ఈ వార్తాకథనం ఏంటి
రవితేజ హీరోగా వస్తున్న రావణాసుర చిత్రం ఏప్రిల్ ఏడవ తేదీన విడుదలకు సిద్ధమవుతోంది ఈ నేపథ్యంలో ప్రమోషన్లలో పాల్గొంటున్న చిత్ర దర్శకుడు సుధీర్ వర్మ కొన్ని ఆసక్తికర విషయాలను వెల్లడి చేశాడు.
రావణాసుర చిత్రాన్ని తమిళం, మళయాలంలోనూ రిలీజ్ చేస్తున్నారట. కాకపోతే తెలుగులో రిలీజ్ అయిన వారం రోజుల తర్వాత తమిళం, మళయాలంలో రిలీజ్ చేస్తారట.
దానికి కారణమేంటో వివరించిన సుధీర్ వర్మ, రావణాసుర చిత్రంలో థ్రిల్లింగ్ అంశాలు చాలా ఉన్నాయట. అవి బయటకు లీక్ అవకూడదనే వారం రోజుల గ్యాప్ తీసుకుంటున్నారట.
తెలుగుతో పాటే తమిళం, మళయాలంలో రిలీజ్ చేయాలంటే 15రోజుల ముందే కాపీ పంపించాల్సి ఉంటుందట. అలా పంపిస్తే సినిమాలోని థ్రిల్లింగ్ అంశాలు తెలిసిపోతాయని వారం రోజులు గ్యాప్ తీసుకుంటున్నారట.
రావణాసుర
పవన్ కళ్యాణ్ తో సుధీర్ వర్మ సినిమా
రావణాసుర చిత్రంలో కనిపించే ట్విస్టులు ప్రేక్షకులను కట్టిపడేస్తాయని, ఆ అనుభవాన్ని మిస్ అవకూడదంటే సినిమాలోంచి ఎక్కువ లీకేజ్ ఉండకూడదని దర్శకుడు భావిస్తున్నారట.
అందుకే టీజర్, ట్రైలర్ ని కూడా అర్థం కాని రీతిలో ఆసక్తిగా కట్ చేసినట్లు చెప్పుకొచ్చారు.
అదలా ఉంచితే, పవన్ కళ్యాణ్ తో సినిమా ఉంటుందా లేదా అన్న విషయమై సుధీర్ వర్మ స్పందించారు. త్రివిక్రమ్ కథతో పవన్ కళ్యాణ్ తో సినిమా ఉంటుందని, కాకపోతే దానికి టైమ్ పడుతుందని తెలియేజేసారు.
ఇక రావణాసుర సినిమా విషయానికి వస్తే, ధమాకా, వాల్తేరు వీరయ్య సినిమాల తర్వాత వస్తున్న రవితేజ నటించిన ఈ చిత్రంపై అభిమానుల్లో మంచి అంచనాలు ఉన్నాయి. మరి రవితేజ ఆ అంచనాలను అందుకుంటాడా లేదా చూడాలి.