రామ్ చరణ్ 15: టైటిల్ రిలీజ్ ఎప్పుడు ఉంటుందో తెలిసిపోయింది
ఈ వార్తాకథనం ఏంటి
ఆర్ఆర్ఆర్ తర్వాత చాలా తొందరగానే తన తర్వాతి సినిమాను మొదలెట్టాడు రామ్ చరణ్. తన కెరీర్ లో 15వ చిత్రంగా వస్తున్న ఈ మూవీని తమిళ చిత్రాల దర్శకుడు శంకర్, డైరెక్ట్ చేస్తున్నారు.
రాజకీయ డ్రామాగా రూపొందుతున్న ఈ సినిమా షూటింగ్ చాలా వేగంగా జరుగుతుఓంది. ఐతే ఈ సినిమా టైటిల్ ఎప్పుడు రిలీజ్ చేస్తారని అందరూ ఆసక్తిగా ఉన్నారు.
తాజాగా ఈ విషయంలో ఒక అప్డేట్ బయటకు వచ్చింది. ఈ నెల 27వ తేదీన పుట్టినరోజు జరుపుకుంటున్నాడు రామ్ చరణ్.
ఈ నేపథ్యంలో పుట్టినరోజును పురస్కరించుకుని మార్చ్ 26వ తేదీన రామ్ చరణ్ 15వ సినిమా టైటిల్ పోస్టర్ ని విడుదల చేయాలని ప్లాన్ చేస్తున్నారట.
రామ్ చరణ్
రామ్ చరణ్ 15 నుండి లీక్ అవుతున్న ఫోటోలు
టైటిల్ పోస్టర్ విషయమై మరికొద్ది రోజుల్లో అధికారిక సమాచారం బయటకు వస్తుందని అనుకుంటున్నారు. ఆర్ఆర్ఆర్ తో హాలీవుడ్ జనాలను ఆకర్షించిన రామ్ చరణ్, ఈ సినిమాతో మరో మెట్టు ఎక్కబోవడం ఖాయమని అభిమానులు భావిస్తున్నారు.
ఆల్రెడీ ఈ సినిమా నుండి లీకైన ఫోటోలు, సినిమా మీద ఇంట్రెస్ట్ ని మరింత పెంచుతున్నాయి. రాజకీయ నాయకుడిగా రామ్ చరణ్ కనిపించనున్నాడని తెలిసినప్పటి నుండి ఆ ఆసక్తి డబల్ అయ్యింది.
ఇప్పటివరకు లీకైన ఫోటోల ద్వారా వచ్చిన సమాచారమే గానీ అధికారికంగా ఈ సినిమా ఎలాంటి కథతో తెరకుక్కుతోందన్న విషయాన్ని ఎవ్వరూ వెల్లడి చేయలేదు. మరి టైటిల్ పోస్టర్ తో అయినా కథ గురించి తెలుస్తుందేమో చూడాలి.