Renu Desai: రెండో పెళ్ళి ఎందుకు క్యాన్సిల్ అయ్యిందో తెలియజేసిన రేణు దేశాయ్
ఈ వార్తాకథనం ఏంటి
పవర్ స్టార్ పవన్ కళ్యాణ్ మాజీ భార్య రేణు దేశాయ్, తాజాగా తన రెండవ పెళ్లి విషయమై స్పందించారు.
పవన్ కళ్యాణ్ తో విడాకులు తీసుకున్న తర్వాత మళ్ళీ ఇప్పటివరకు రేణు దేశాయ్ పెళ్లి చేసుకోలేదు. కొడుకు అకీరా నందన్, కూతురు ఆద్యల బాధ్యతలు చూసుకుంటూ వస్తున్నారు.
అయితే కొన్ని రోజుల క్రితం రేణు దేశాయ్ పెళ్లి చేసుకోవాలని నిర్ణయించుకున్నారు. ఆ సమయంలో ఒకానొక వ్యక్తితో నిశ్చితార్థం కూడా జరిగింది. అయితే పెళ్లి మాత్రం జరగలేదు.
నిశ్చితార్థం తర్వాత పెళ్లి క్యాన్సిల్ అయింది. ప్రస్తుతం రెండవ పెళ్లి క్యాన్సిల్ కావడానికి గల కారణాలను రేణు దేశాయ్ వివరించారు.
Details
ఆద్య కోసమే రెండవ పెళ్ళి క్యాన్సిల్
రవితేజ నటిస్తున్న టైగర్ నాగేశ్వర్ రావు చిత్రంలో రేణు దేశాయ్ నటిస్తున్న సంగతి తెలిసిందే. ఈ చిత్ర ప్రమోషన్లలో రేణు దేశాయ్ పాల్గొంటున్నారు.
ఈ క్రమంలో ఒకానొక ఇంటర్వ్యూలో రేణు దేశాయ్ మాట్లాడుతూ, పవన్ కళ్యాణ్ తో తాను విడిపోయే సమయానికి అకీరా నందన్, ఆద్య చాలా చిన్న పిల్లలని, ఆ సమయంలో రెండవ పెళ్లి చేసుకోవాలని తన కుటుంబ సభ్యులు, స్నేహితులు తరచుగా చెప్తుండేవారని ఆమె అన్నారు.
కొన్ని రోజుల తర్వాత రెండో పెళ్లి చేసుకోవాలని అనుకున్నానని, నిశ్చితార్థం కూడా జరిగిందని, ఆ సమయంలో ఆద్య వయస్సు ఏడేళ్లని, పెళ్లి చేసుకుంటే ఆద్యను చూసుకోవడం కష్టం అవుతుందేమో అనిపించిందని, అందుకే పెళ్లి క్యాన్సిల్ చేసుకున్నానని రేణు దేశాయ్ తెలియజేశారు.