ఆర్జీవీ బంపర్ ఆఫర్: రైటర్, డైరెక్టర్, మ్యూజిక్ డైరెక్టర్లకు ఛాన్స్; ఇలా అప్లై చేసుకోండి
సంచలన దర్శకుడు రామ్ గోపాల్ వర్మ గురించి ప్రత్యేకంగా పరిచయం చేయాల్సిన అవసరం లేదు. గతంలో సినిమాలతో బిజీగా ఉండే వర్మ, గతకొన్ని రోజులుగా యూట్యూబ్ వీడియోలు, ఇంటర్వ్యూలతో బిజీగా ఉంటున్నారు. ప్రస్తుతం హైదరాబాద్ లో ఆర్జీవీ డెన్ అనే ఆఫీసును ప్రారంభించారు వర్మ. దీనికి సంబంధించిన వీడియోలు యూట్యూబ్ లో చాలానే వచ్చాయి. అయితే ప్రస్తుతం ఆర్జీవీ డెన్ నుండి రాబోయే సినిమాలు, సిరీస్ లలో సినిమా అవకాశాలు కల్పిస్తానంటున్నారు వర్మ. మీరు రైటర్ అవ్వాలనుకున్నా, దర్శకుడు కావాలనుకున్నా, సినిమాటోగ్రఫీ, మ్యూజిక్ ఇలా ఏ రంగంలో మీకు టాలెంట్ ఉన్నా అవకాశం ఇస్తానని వర్మ అంటున్నారు.
టాలెంట్ ని పరీక్షించే టాస్కులు
మీలో టాలెంట్ ఉంటే అవకాశాలు వస్తాయని, అందుకోసం అప్లై చేసుకోమని https://rgvden.com లో అప్లై చేసుకోమని ఆర్జీవీ తెలియజేసారు. ప్రస్తుతానికి రైటర్లు, దర్శకులు, సినిమాటోగ్రాఫర్లు, మ్యూజిక్ కంపోజర్లు ఇక్కడ అప్లై చేసుకోవచ్చని ఆర్జీవీ తెలియజేసారు. అప్లై చేసుకునే సమయంలోకొన్ని టాస్కులు ఇచ్చారు. అవన్నీ పూర్తి చేసి సబ్మిట్ చేయాల్సి ఉంటుంది. మీ ప్రొఫైల్ వాళ్ళకు నచ్చితే, ఆర్జీవీ డెన్ నుండి వచ్చే సినిమా, సిరీస్ లలో అవకాశం ఉంటుందన్నమాట. సినిమారంగంలో తమ టాలెంట్ నిరూపించుకోవాలి అనుకునే వాళ్ళకి ఇదో మంచి అవకాశం. మరింకెందుకు ఆలస్యం, ఆర్జీవీ డెన్ లోకి అడుగుపెట్టేయండి.
