Prince Harry And Meghan Markle? ప్రిన్స్ హ్యారీ, మేఘన్ మార్క్లే పెరుగుతున్న అంతరం.. లండన్ వెళ్లిపోయే ఆలోచనలో హ్యారీ
ప్రిన్స్ హ్యారీ , ఆయన భార్య మేఘన్ మార్క్లే మధ్య అంతా బాగాలేదు. ది మిర్రర్ నివేదిక ప్రకారం, ఇద్దరి మధ్య "పెరుగుతున్న విభేదాలు బలంగా కనిపిస్తున్నాయి. ఈ పరిణమాలు ఎటువైపు దారితీస్తాయో తెలియడం లేదని మీడియా కోడై కూస్తుంది.
మేఘన్ లో పెరుగుతున్న ఆందోళన
డచెస్ ఆఫ్ సస్సెక్స్ తన జీవితం"ఆమె అనుకున్న దిశలో వెళ్ళడం లేదని"ఎక్కువగా ఆందోళన చెందుతోందని వార్తలు వచ్చాయి. రాయల్ రచయిత ,నిపుణుడు టామ్ క్విన్ న్యూస్ పోర్టల్తో మాట్లాడారు.మేఘన్ పెరుగుతున్న ఆందోళనకు నిదర్శనగా వారిద్దరి మధ్య విభేదాలు స్పష్టంగా కనిపిస్తున్నాయి. ఆమె జీవితం తాను అనుకున్న దిశలో సాగడం లేదని చెప్పారు.మేఘన్ మార్కెల్ మీడియాలో కనపడటానికి ఇష్టపడతారు . ఆమె,ప్రిన్స్ హ్యారీ ఇకపై అమెరికన్ ప్రజలకు పెద్దగా ఆసక్తి చూపడం లేదని సర్వేలు సూచిస్తున్నాయి. 2020లో కాలిఫోర్నియాలోని మాంటెసిటోకు వెళ్లిన డ్యూక్ ,డచెస్లను మొదట్లో స్వాగతించారు. హాలీవుడ్లో చాలా మంది స్నేహితులను సంపాదించుకున్నారని ఇటీవలి కధనాల తర్వాత ఈ పరిణామం చోటు చేసుకుంది. అయినప్పటికీ, వారి ప్రజాదరణ తగ్గుముఖం పట్టిందని సర్వేలు చూపిస్తున్నాయి.
మేఘనా మార్క్లే బ్రాండ్ రివేరా ఆర్చర్డ్ కు ఆదరణ అంతంత మాత్రమే
మేఘనా మార్క్లే బ్రాండ్ అమెరికా రివేరా ఆర్చర్డ్ గురించి ..రాయల్ రచయిత క్విన్ మాట్లాడారు. మేఘన్ కొత్త ఇంటర్నెట్ బ్రాండ్,అమెరికా రివేరా ఆర్చర్డ్ జామ్ మొదట్లో మంచి ప్రాచుర్యం సంపాదించింది. బ్రాండ్ ప్రారంభించినప్పుడు మేఘన్ కన్నీళ్లు పెట్టుకుంది .అయితే ఆమె కొత్త జామ్ ఖరీదైనది, ఏమీ గొప్పగా లేదని నెటిజన్లు ఎద్దేవా చేశారు. అమెరికన్ రివేరా ఆర్చర్డ్ను మేఘన్ మార్క్లే మార్చిలో ప్రారంభించారు.ఈ విభేదాలను తట్టుకోలేని ప్రిన్స్ హ్యారీ లండన్ వెళ్లిపోయే ఆలోచనలో వున్నట్లు కధనాలు వస్తున్నాయి. మేఘన్ తో బాగా విసిగి వేశారానని వ్యాఖ్యానించినట్లు అంతర్జాతీయ మీడియా చెపుతోంది. తమపై తప్పుడు కధనాలు రాస్తున్నారంటూ , గతంలో హ్యారీ & మేఘన్ టాబ్లాయిడ్ ప్రెస్తో యుద్ధానికి దిగిన సంగతి విదితమే .