Loading...
Robert Pattinson: జేమ్స్ బాండ్‌గా రాబర్ట్ పాటిన్సన్.. 007 పాత్రకు అధికారిక ప్రకటన!
జేమ్స్ బాండ్‌గా రాబర్ట్ పాటిన్సన్.. 007 పాత్రకు అధికారిక ప్రకటన!

Robert Pattinson: జేమ్స్ బాండ్‌గా రాబర్ట్ పాటిన్సన్.. 007 పాత్రకు అధికారిక ప్రకటన!

వ్రాసిన వారు Jayachandra Akuri
Nov 17, 2026
11:13 am

ఈ వార్తాకథనం ఏంటి

హాలీవుడ్‌లో ఎంతో ఆసక్తిగా ఎదురుచూస్తున్న 'జేమ్స్ బాండ్' (007) పాత్రకు సంబంధించిన ఉత్కంఠకు తెరపడింది. ఈ ఐకానిక్ పాత్రలో ప్రముఖ హాలీవుడ్‌ నటుడు రాబర్ట్ పాటిన్సన్ నటించనున్నట్లు అమెజాన్ ఎంజీఎం స్టూడియోస్ అధికారికంగా ప్రకటించింది. దీంతో ప్రపంచవ్యాప్తంగా ఉన్న బాండ్ అభిమానుల్లో ఆసక్తి నెలకొంది.

వివరాలు

ఏడో జేమ్స్ బాండ్‌గా రాబర్ట్ పాటిన్సన్

డేనియల్ క్రెయిగ్ ఈ పాత్ర నుంచి తప్పుకున్న తర్వాత, జేమ్స్ బాండ్ సిరీస్‌లో నటించనున్న ఏడో నటుడిగా రాబర్ట్ పాటిన్సన్ నిలవనున్నారు.

అమెజాన్ ఎంజీఎం స్టూడియోస్ తన సోషల్ మీడియా ఖాతాలో 'ఐడెంటిటీ కన్ఫర్మ్డ్' అంటూ ఈ విషయాన్ని వెల్లడించింది.

ఈ ప్రకటనతో సినిమా వర్గాల్లో జేమ్స్ బాండ్ తదుపరి చిత్రంపై చర్చ మొదలైంది.

వివరాలు

డెనిస్ విల్లెనెవ్ దర్శకత్వంలో కొత్త బాండ్ చిత్రం

'ట్విలైట్', 'ది బ్యాట్‌మ్యాన్', 'టెనెట్' వంటి విభిన్న చిత్రాలతో ప్రపంచవ్యాప్తంగా గుర్తింపు తెచ్చుకున్న రాబర్ట్ పాటిన్సన్.. ఇప్పుడు సీక్రెట్ ఏజెంట్ 007 పాత్రలో ప్రేక్షకుల ముందుకు రానున్నారు.

ఈ ప్రాజెక్ట్‌కు ప్రముఖ దర్శకుడు డెనిస్ విల్లెనెవ్ దర్శకత్వం వహించనున్నారు.

రాబర్ట్ పాటిన్సన్, డెనిస్ విల్లెనెవ్ కలయికలో రాబోతున్న ఈ సినిమాపై ఇప్పటికే భారీ అంచనాలు నెలకొన్నాయి.

ADVERTISEMENT