ఆర్ఆర్ఆర్ ఆస్కార్స్: ఎన్టీఆర్ అమెరికా ప్రయాణం ఎప్పుడు ఉంటుందంటే?
ఈ వార్తాకథనం ఏంటి
హాలీవుడ్ క్రిటిక్స్ ఛాయిస్ అవార్డ్ ఫంక్షన్ కి ఎన్టీఆర్ వెళ్ళకపోవడంతో ఆయన అభిమానుల్లో కొంత నిరాశ నెలకొంది. ఆర్ఆర్ఆర్ బృందానికి దక్కిన గౌరవంలో ఎన్టీఆర్ లేకపోయాడే అని అందరూ ఫీలయ్యారు.
అలాంటి వారికి ఇప్పుడు మంచి వార్త అందింది. తారకరత్న స్వర్గస్తులు కావడం వల్ల అమెరికాకు వెళ్ళలేకపోయారు ఎన్టీఆర్. ఐతే ఇప్పుడు తారకరత్న పెద్ద కర్మ తర్వాత అమెరికాకు పయనం అవుతున్నారని తెలుస్తోంది.
మార్చ్ 2వ తేదీన తారకరత్న పెద కర్మ ఉండనుందని, ఆ తర్వాత 4రోజులకు అంటే మార్చ్ 6వ తేదీన, అమెరికా ప్రయాణం ఉంటుందని, ఆర్ఆర్ఆర్ టీమ్ లో కలిసిపోతారని వినిపిస్తోంది.
ఈ నేపథ్యంలో ఎన్టీఆర్ అభిమానులు ఖుషీ అవుతున్నారు.
ఆర్ఆర్ఆర్
మార్చ్ 13వ తేదీన ఆస్కార్స్ అవార్డుల ప్రధానం
ఉత్తమ పాట విభాగంలో ఆర్ఆర్ఆర్ లోని నాటు నాటు పాట ఆస్కార్ నామినేషన్లలో నిలిచింది. నాటు నాటు పాట, ఆల్రెడీ గోల్డెన్ గ్లోబ్ అవార్డ్ అందుకున్న సంగతి తెలిసిందే.
ఆస్కార్స్ అవార్డుల కార్యక్రమానికి ఆర్ఆర్ఆర్ టీమ్ లోని నాటు నాటు పాట రచయిత చంద్రబోస్, పాట పాడిన రాహుల్ సిప్లిగంజ్, కాలభైరవ లు కూడా హాజరవుతున్నారు.
ఆస్కార్స్ వేదిక మీద రాహుల్ సిప్లిగంజ్, కాలభైరవ లు నాటు నాటు పాటను పాడబోతున్నారు. ఈ మేరకు అకాడమీ అవార్డ్స్, ట్విట్టర్ వేదికగా ప్రకటించింది.
భారత కాలమానం ప్రకారం మార్చ్ 13న ఆస్కార్స్ అవార్డుల ప్రధానోత్సవం జరగనుంది. లాస్ ఏంజిల్స్ లోని బేవ్రీ హిల్స్ లో గల డాల్బీ థియేటర్ లో అవార్డుల ప్రధానోత్సవం ఉంటుంది.