ఫిదా సినిమాలో అవకాశం ఎలా వచ్చిందో తెలియజేసిన సాయి పల్లవి
ఈ వార్తాకథనం ఏంటి
హీరోయిన్లు అంటే ఇలానే ఉండాలన్న దానికి పూర్తి వ్యతిరేకంగా ఉంటూ కూడా స్టార్ హీరోయిన్ గా పేరు తెచ్చుకుంది సాయిపల్లవి.
సాయిపల్లవి సినిమా వస్తుందంటే అందులో ఏదో ఒక ప్రత్యేకత ఉంటుందనే భావన ప్రేక్షకుల్లోకి ఎప్పుడో వెళ్ళిపోయింది. ఈరోజు సాయి పల్లవి పుట్టినరోజు. ఈ సందర్భంగా సాయి పల్లవి కెరీర్ గురించి కొన్ని విషయాలు మాట్లాడుకుందాం.
చిన్నప్పుడు రెండు తమిళ చిత్రాల్లో బాలనటిగా మెరిసిన సాయి పల్లవి, ఈటీవీలో ప్రసారమైన డ్యాన్స్ ప్రోగ్రామ్ ఢీ షోలో పార్టిసిపేట్ చేసింది.
ప్రేమమ్ చిత్రంతో హీరోయిన్ గా మారిన సాయి పల్లవికి, ఆ సినిమా మంచి గుర్తింపును తెచ్చింది. ప్రేమమ్ చూసిన తర్వాతే శేఖర్ కమ్ముల, ఫిదా సినిమా కోసం సాయి పల్లవిని అడిగారట.
Details
నెమలిలా డ్యాన్స్ చేసే సాయిపల్లవి
ఒక పాత్రలో సాయి పల్లవి ఎంతబాగా ఒదిగిపోతుందో, డ్యాన్సులు కూడా అంతే ఇరగదీస్తుంది. ఫిదా చిత్రంలోని వచ్చిండే మెల్లామెల్లగ వచ్చిండే అనే పాటలో ఆమె డ్యాన్స్ అదిరిపోతుంది.
అలాగే లవ్ స్టోరీ చిత్రంలో సారంగదరియా, ఏవో ఏవో కలలే పాటల్లో సాయి పల్లవి డ్యాన్సులకు ప్రేక్షకులు ఆశ్చర్యపోయారు. ఎమ్ సీ ఏ సినిమాలో ఏవండోయ్ చిన్నిగారు పాటలో సాయి పల్లవి స్టెప్పులు చూసి అందరూ బిత్తరపోయారు
సాధారణంగా హీరోల డ్యాన్సులకు అభిమానులు ఉంటారు. హీరోయిన్ల డ్యాన్స్ గురించి ఎక్కువగా వినిపించదు. కానీ సాయిపల్లవి డ్యాన్సుల కోసం ఎంతోమంది ఎదురుచూస్తారు.
డ్యాన్సుల్లేని సినిమాలు ఆమే చేస్తే నిరాశపడిన వారు కూడా ఉన్నారంటే సాయి పల్లవి డ్యాన్స్ ని ఎంతలా ఇష్టపడతారో అర్థం చేసుకోవచ్చు.