జూనియర్ ఎన్టీఆర్ దేవర నుండి బిగ్ అప్డేట్: సైఫ్ ఆలీ ఖాన్ లుక్ రిలీజ్
ఆర్ఆర్ఆర్ తర్వాత కొరటాల శివ దర్శకత్వంలో దేవర సినిమాలో జూనియర్ ఎన్టీఆర్ నటిస్తున్న సంగతి తెలిసిందే. జాన్వీ కపూర్ హీరోయిన్ గా కనిపిస్తున్న ఈ సినిమా నుండి తాజాగా అప్డేట్ వచ్చింది. ఈ సినిమాలో విలన్ గా నటిస్తున్న సైఫ్ ఆలీ ఖాన్ లుక్ రిలీజైంది. భైర పాత్రలో సైఫ్ ఆలీ ఖాన్ నటిస్తున్నాడని పరిచయం చేసారు. సినిమా ప్రారంభమైనపుడు దర్శకుడు కొరటాల శివ, ఈ సినిమాలో కరడుగట్టిన మనుషులు ఉంటారని వెల్లడి చేసాడు. ఆ మాటల ప్రకారంగానే సైఫ్ ఆలీ ఖాన్ లుక్ ఉంది. అనిరుధ్ రవిచందర్ సంగీతం అందిస్తున్న ఈ సినిమా, 2024 ఏప్రిల్ 5వ తేదీన తెలుగు సహా తమిళం, కన్నడ, మళయాలం, హిందీ భాషల్లో విడుదలవుతుంది.
