సైమా అవార్డ్స్ 2023 సెలబ్రేషన్స్ నిర్వహణ తేదీలు వచ్చేశాయ్, వేదిక ఎక్కడంటే!
ఈ వార్తాకథనం ఏంటి
సౌత్ ఇండియన్ ఇంటర్నేషన్ మూవీ అవార్డ్స్ (సైమా) 2023 వేడుకలకు మూహుర్తం ఫిక్స్ అయింది. సెప్టెంబర్ 15, 16 తేదీల్లో 15, 16 తేదీల్లో ఈ వేడుకల్ని అట్టహాసంగా నిర్వహిస్తామని సైమా ఛైర్ పర్సన్ బృందాప్రసాద్ తెలిపారు.
11 ఏళ్లుగా విజయవంతంగా నిర్వహిస్తున్న ఈ పురస్కారాల వేడుకకు ఈసారి దుబాయ్ వేదిక కానుందని ఆమె చెప్పారు.
స్పాన్సర్‌గా ఆటోమొబైల్ సంస్థ నెక్సా ఈ వేడుకల్లో భాగం కానుంది.
దక్షిణాది సినీ పరిశ్రమలో ప్రతిభను గుర్తించేందుకు సైమా, నెక్సా కలవడం సంతోషంగా ఉందని, భవిష్యతులో ఈ బంధం మరింత బలపడి, దక్షిణాది సినీ పరిశ్రమ అభివృద్ధికి పాటుపడతాయని బృందాప్రసాద్ పేర్కొన్నారు.
Details
సైమాలో భాగం కావడం సంతోషంగా ఉంది : రానా
హీరో రానా దగ్గుబాటి మాట్లాడుతూ దక్షిణాది చిత్ర పరిశ్రమ మొత్తాన్ని ఏకతాటిపైకి సైమా తీసుకొచ్చిందని, ఈ వేడుకల్లో తాను భాగం కావడం చాలా సంతోషంగా ఉందని తెలిపారు.
కథానాయిక మృణాల్ ఠాకూర్ మాట్లాడుతూ దక్షిణాది అభిమానులు తనను ఎంతో ఆదరించారని, సీతారామం విడుదలైన వెంటనే సైమాలో భాగం కావడం ఆనందగా ఉందని, దుబాయ్‌లోని డిడబ్ల్యూటీసీలో జరగనున్న ఈ అంతర్జాతీయ వేడుకల్లో ప్రదర్శన ఇచ్చేందుకు చాలా ఆసక్తిగా ఎదురుచూస్తానని పేర్కొంది.
అంతర్జాతీయ మార్కెట్‌లలో దక్షిణ భారతీయ చిత్రాలను ప్రోత్సహించడానికి సైమా వేదికను 2012లో ఏర్పాటు చేశారు.