Salaar Promotions: ప్రభాస్ ఫ్యాన్స్'కు సలార్ నుంచి అదిరిపోయే ట్రీట్.. ప్రభాస్‌తో రాజమౌళి ఇంటర్వ్యూ
పాన్ ఇండియా స్టార్ హీరో ప్రభాస్ సలార్ రిలీజ్ డేట్ దగ్గర పడుతోంది. ఈ మేరకు ప్రమోషన్స్ లేవనుకుంటున్న రెబల్ అభిమానులకు తాజాగా గుడ్ న్యూస్ అందింది. అయితే సినిమా ప్రమోషన్లలో భాగంగా దర్శకధీరుడు బాహుబలి డెరెక్టర్ రాజమౌళి, సలార్ చిత్ర బృందాన్ని ఇంటర్వ్యూ చేయనున్నారు. ఈ క్రమంలోనే చిత్ర తారగణం ప్రభాస్, ప్రశాంత్ నీల్, పృథ్వీరాజ్ సుకుమారన్'లతో ఇంటర్వ్యూ ఉండనుంది. ఇదే సమయంలో సలార్ చిత్రం విడుదలకు ముందు ఇది అతిపెద్ద ప్రమోషనల్ ఈవెంట్'గా మారనుంది. డిసెంబర్ 16న శనివారం, ప్రభాస్‌తో రాజమౌళి ఇంటర్వ్యూ ప్లాన్ చేశారు. చివరిసారి రాజమౌళి దర్శకత్వంలో వచ్చిన బాహుబలి 2తో ప్రభాస్ సూపర్ హిట్ కొట్టాడు.
డిసెంబర్ 22న సలార్ రిలీజ్
రూ.400 కోట్ల భారీ బడ్జెట్'తో తెరకెక్కిన సలార్ బాక్సాఫీస్ రికార్డులను తిరగరాస్తుందని మేకర్స్ ధీమా వ్యక్తం చేస్తున్నారు. అయితే బాలీవుడ్ బాద్ షా షారుక్ ఖాన్ డంకీ రూపంలో సలార్ మూవీ పెద్ద సవాలు ఎదుర్కోనుంది. ఈ మేరకు బుధవారం (డిసెంబర్ 13) సాయంత్రం ఫస్ట్ సింగిల్ కూడా విడుదల కానుంది. తాజాగా సలార్ ప్రమోషన్స్ కోసం రాజమౌళి, ప్రభాస్ ఇంటర్వ్యూ ప్రేక్షకులతో పాటు అభిమానులకు ఎంతో ఎనర్జీగా మారనుంది. టర్వ్యూలో మూవీ గురించి ఎలాంటి ఇంట్రెస్టింగ్ విషయాలు బయటకు రానున్నాయి అనే విషయంపై ఆసక్తి నెలకొంది. రాజమౌళి మరో స్టార్ డైరెక్టర్ ప్రశాంత్ నీల్'ను ఎలాంటి ప్రశ్నలు అడగనున్నారనే విషయం ఉత్కంఠ రేపుతోంది. సలార్ మూవీ డిసెంబర్ 22న రిలీజ్ కానుంది.
