Salman Khan: ట్రోల్స్కు సల్మాన్ ఖాన్ స్ట్రాంగ్ రిప్లై.. 'నేను భయపడలేదు' అంటూ జిమ్ ఫొటో షేర్
ఈ వార్తాకథనం ఏంటి
నీట్ (NEET) ప్రశ్నాపత్రం లీక్ వ్యవహారంపై విద్యార్థులు చేపట్టిన ఆందోళనలకు మద్దతుగా నిలిచిన బాలీవుడ్ స్టార్ సల్మాన్ ఖాన్ తాజాగా తనపై వస్తున్న ట్రోలింగ్కు ఘాటుగా స్పందించారు. తాను భయపడి వెనక్కి తగ్గిపోయానంటూ సోషల్ మీడియాలో జరుగుతున్న ప్రచారానికి ఒక్క పోస్టుతోనే సమాధానం ఇచ్చారు. ఫిట్నెస్కు ప్రతీకగా నిలిచే సల్మాన్ ఖాన్ జిమ్లో వ్యాయామం చేస్తున్న ఫొటోను అభిమానులతో పంచుకున్నారు. దానికి "సల్మాన్ ఖాన్ భయపడ్డాడా?.. అస్సలు కాదు. భయపడేవారు అప్పుడే చనిపోయినట్టే" అనే క్యాప్షన్ జోడిస్తూ తనపై వస్తున్న విమర్శలకు కౌంటర్ ఇచ్చారు.
వివరాలు
రెండు పోస్టులు..
ఇటీవల నీట్ పేపర్ లీక్ వివాదంపై సల్మాన్ వరుసగా రెండు పోస్టులు చేశారు.
మొదటి పోస్టులో విద్యార్థుల నిరసనలకు పూర్తి మద్దతు ప్రకటించిన ఆయన, దేశంలో మెరుగైన విద్యా వ్యవస్థ కోసం విద్యార్థులు ఏకమై పోరాడటం అభినందనీయమని పేర్కొన్నారు.
ఈ పోరాటంలో విద్యార్థులు గాయపడిన ఘటనలు తనను తీవ్రంగా కలిచివేశాయని కూడా వెల్లడించారు.
వివరాలు
విద్యార్థులకు సూచన..
ఆ తర్వాత చేసిన మరో పోస్టులో విద్యార్థులు సురక్షితంగా తమ ఇళ్లకు చేరుకోవాలని కోరిన సల్మాన్, ఎలాంటి ఆందోళన అవసరం లేదని సూచించారు.
అలాగే సామాజిక కార్యకర్త సోనమ్ వాంగ్చుక్ కూడా తన దీక్షను విరమించాలని విజ్ఞప్తి చేశారు.
అయితే ఈ వ్యాఖ్యల అనంతరం సల్మాన్ ఖాన్ ఒత్తిడికి లొంగిపోయి భయపడ్డారంటూ కొందరు సోషల్ మీడియాలో ట్రోల్ చేయడం ప్రారంభించారు.
ఇదే సమయంలో సల్మాన్కు సంబంధించిన ఓ పాత వీడియో వైరల్ కావడంతో దానిపై కూడా విమర్శలు వెల్లువెత్తాయి.
అయితే తాజాగా జిమ్ ఫొటోతో చేసిన పోస్టు ద్వారా తనపై వస్తున్న అన్ని విమర్శలకు సల్మాన్ ఖాన్ తనదైన శైలిలో సమాధానం ఇచ్చారు.