Citadel: సమంత, వరుణ్ ధావన్ 'సిటాడెల్' ట్రైలర్ విడుదల.. యాక్షన్ ప్యాక్డ్ ఎంటర్టైనర్!
ఈ వార్తాకథనం ఏంటి
వరుణ్ ధావన్, సమంత రూత్ ప్రభు జంటగా నటించిన అత్యంత ఆసక్తికర యాక్షన్ సిరీస్ 'సిటాడెల్. హనీ బన్నీ' ట్రైలర్ విడుదలైంది. అభిమానులు ఈ సిరీస్ కోసం ఎంతో ఆసక్తిగా ఎదురుచూస్తున్నారు.
ఈ సిరీస్‌లో వరుణ్ ధావన్ స్టంట్‌మ్యాన్ బన్నీగా, సమంత ఏజెంట్ హనీగా డిటెక్టివ్ పాత్రల్లో కనిపించనున్నారు.
దాదాపు 2 నిమిషాల 51 సెకన్ల నిడివి గల ఈ ట్రైలర్ యాక్షన్ ప్యాక్డ్ సీన్స్‌తో నిండిగా ఉండి, థ్రిల్‌ను పెంచుతోంది.
ట్రైలర్‌లో ఉన్నత స్థాయి యాక్షన్ సన్నివేశాలతో పాటు తుపాకీ కాల్పులు, భారీ విజువల్స్ ప్రత్యేక ఆకర్షణగా నిలుస్తాయి. సమంత, వరుణ్‌లుగా హనీ, బన్నీ పాత అనుబంధాన్ని పునరుద్ధరించుకుంటారు.
Details
నవంబర్ 7న ప్రైమ్ లో విడుదల
కొన్ని సంవత్సరాల తర్వాత ఇద్దరూ వారి కుమార్తె నదియా భద్రత కోసం మళ్లీ కలుస్తారు.
స్టైలిష్ యాక్షన్‌తో నిండిన ఈ సిరీస్‌లో కె.కె. మీనన్, సిమ్రాన్, సాకిబ్ సలీమ్, సికందర్ ఖేర్ వంటి ప్రతిభావంతులు కూడా కీలక పాత్రలు పోషిస్తున్నారు.
'సిటాడెల్: హనీ బన్నీ' నవంబర్ 7న ప్రైమ్ వీడియోలో విడుదల కానుంది. ఈ సిరీస్‌ను భారతదేశంతో పాటు 240కి పైగా దేశాల్లో విడుదల చేయనున్నారు.
దర్శకులు రాజ్ నిడిమోరు, కృష్ణ డికె నేతృత్వంలో రూపొందిన ఈ సిరీస్ రాజ్ & డికె, D2R ఫిల్మ్స్, అమెజాన్ MGM స్టూడియోస్, AGBO రస్సో బ్రదర్స్ నిర్మాణ సంస్థల కాంబినేషన్‌లో రూపుదిద్దుకుంది.