సిటడెల్ షూటింగ్ కష్టాలు: మంచుగడ్డల్లో టార్చర్ అనుభవిస్తున్న సమంత
ఈ వార్తాకథనం ఏంటి
ప్రస్తుతం సిటడెల్ ఇండియన్ వెర్షన్ షూటింగ్ లో జోరు మీద పాల్గొంటుంది సమంత. వరుణ్ ధావన్ హీరోగా కనిపించే ఈ సిరీస్ ను, ది ఫ్యామిలీ మ్యాన్ ఫేమ్ రాజ్, డీకే డైరెక్ట్ చేస్తున్నారు.
సిటడెల్ సిరీస్ లో యాక్షన్ సీన్లు ఎక్కువగా ఉన్నాయని, ఆ సీన్లలో నటించడం చాలా ఉత్సాహంగా ఉందని గతంలో సమంత చెప్పుకొచ్చిన సంగతి తెలిసిందే.
అంతేకాదు, యాక్షన్ సీన్లలో చేయడం వల్ల సమంత చేతులకు తగిలిన గాయాలు కూడా అయ్యాయి. వాటి తాలూకు ఫోటోలను సోషల్ అకౌంట్ లో పంచుకున్న సమంత, గాయం మిగిల్చిన జ్ఞాపకాలు అంటూ కామెంట్ పెట్టింది.
తాజాగా మరోసారి యాక్షన్ సీన్లలో పాల్గొన్న సమంత, మరో పోస్టును పెట్టింది.
Details
అలసట నుండి ఉపశమనం కోసం ఐస్ బాత్
యాక్షన్ సీన్లలో పాల్గొనడం వల్ల కలిగే అలసట నుండి ఉపశమనం పొందడం కోసం ఐస్ బాత్ చేస్తోంది సమంత.
ఐసుగడ్డల్లో మునిగిన ఫోటోలను ఇన్స్ టాలో షేర్ చేసింది సమంత. ఈ ఫోటోకు ఒక క్యాషన్ ని కూడా జోడించింది.
ఐసుగడ్డల్లో స్నానం చేయడం టార్చర్ అని ఆమె అంది. ప్రస్తుతం ఈ ఫోటోలు నెట్టింట వైరల్ అవుతున్నాయి.
ఇటీవల థియేటర్లలో రిలీజైన సమంత నటించిన శాకుంతలం చిత్రానికి ప్రేక్షకుల నుండి నెగెటివ్ టాక్ వచ్చింది. సమంత కెరీర్లో అత్యంత ఫెయిల్యూర్ గా నిలిచింది ఈ చిత్రం.
ఇకపోతే ఇటు సిటడెల్ షూటింగ్ లో పాల్గొంటున్న సమంత, విజయ్ దేవరకొండ హీరోగా రూపొందుతున్న ఖుషి సినిమాలో హీరోయిన్ గా చేస్తోంది.