సమంత శాకుంతలం సినిమాకు కొత్త రిలీజ్ డేట్
మహాకవి కాళిదాసు రచించిన అభిజ్ఞాన శాకుంతం కావ్యాన్ని వెండితెరకు శాకుంతలం పేరుతో తీసుకొస్తున్నాడు దర్శకుడు గుణశేఖర్. హిందూ పురాణాల్లోని శకుంతల దుష్యంతుల మధ్య ప్రేమకథను శాకుంతలం సినిమాలో చూపించనున్నాడు. దిల్ రాజు సమర్పిస్తున్న ఈ సినిమా, ఫిబ్రవరి 17వ తేదీన ప్రపంచ వ్యాప్తంగా రిలీజ్ అవుతుందని గతంలో ప్రకటించారు. కానీ సడెన్ గా సినిమా రిలీజ్ కి 10రోజుల ముందు శాకుంతలం సినిమాను అనుకున్న తేదీకి రిలీజ్ చేయలేకపోతున్నామని చెప్పారు. సమంత నుండి వస్తున్న మొట్టమొదటి పాన్ ఇండియా చిత్రమైన శాకుంతలం, సడెన్ గా రిలీజ్ వాయిదా పడటంతో సమంత అభిమానులు కొంత నిరాశచెందారు. ప్రస్తుతం శాకుంతలం సినిమాకు కొత్త రిలీజ్ డేట్ ప్రకటించారు.
ఏప్రిల్ 14వ తేదీన ప్రపంచ వ్యాప్తంగా శాకుంతలం
తెలుగు, తమిళం, హిందీ, కన్నడ, మళయాలం భాషల్లో ఏప్రిల్ 14వ తేదీన సినిమా రిలీజ్ అవుతుందని ప్రకటించారు. అంటే సినిమా విడుదలకు ఇంకా రెండు నెలల సమయం ఉంది. శాకుంతలం సినిమాలో శకుంతలగా సమంత కనిపిస్తుండగా, దుష్యంతుడిగా మళయాలం నటుడు దేవ్ మోహన్ కనిపిస్తున్నారు. మరికొన్ని ప్రధాన పాత్రలో డాక్టర్ మంచు మోహన్ బాబు, అనన్యా నాగళ్ళ చేస్తున్నారు. మణిశర్మ సంగీతం అందించిన ఈ సినిమాను గుణ టీమ్ వర్క్స్ బ్యానర్ పై నీలిమా గుణ నిర్మిస్తుంది. ఇప్పటివరకు ఈ సినిమా మూడు పాటలు రిలీజ్ అయ్యాయి. ఈ పాటలన్నింటికీ ప్రేక్షకుల నుండి మంచి స్పందన వచ్చింది. మరి సినిమా రిలీజ్ అయ్యాక ఎలాంటి స్పందన తెచ్చుకుంటుందో చూడాలి.
