రవీంద్రనాథ్ ఠాగూర్ కొటేషన్ ని షేర్ చేస్తూ 36ఏళ్ల వయసులో అన్నీ చూసానంటున్న సమంత
ఈ వార్తాకథనం ఏంటి
ఈరోజు సమంత పుట్టినరోజు. 37వ వడిలోకి అడుగుపెడుతోంది సమంత. ఈ నేపథ్యంలో సినిమా సెలెబ్రిటీలు, అభిమానులు సమంతకు పుట్టినరోజు శుభాకాంక్షలు తెలియజేస్తున్నారు.
అయితే తాజాగా సమంత పంచుకున్న కొన్ని ఫోటోలు సోషల్ మీడియాలో వైరల్ అవుతున్నాయి. తన జీవితంలో వివిధ దశల్లోని ఫోటోలను ఏకకాలంలో పంచుకున్న సమంత, జీవితంలో అన్నీ చూసానని పేర్కొంది.
16ఏళ్ల ప్రాయంలోని తన ఫోటో నుండి మొదలు పెట్టి తను పెంచుకునే కుక్కపిల్లల ఫోటోలను, అప్పట్లో మాడలింగ్ చేసినప్పటి ఫోటోను పంచుకుంది.
అలాగే, అనారోగ్యం కారణంగా ఆక్సిజన్ మాస్క్ తగిలించుకున్న ఫోటో, హైపర్ బేరిక్ థెరపీ గురించిన ఫోటో, గుర్రపు స్వారీ చేస్తున్నప్పటి ఫోటోను షేర్ చేసింది.
Details
రవీంద్ర నాథ్ ఠాగూర్ కొటేషన్
చివరగా రవీంద్ర నాథ్ ఠాగూర్ కొటేషన్ ఫోటోను షేర్ చేసింది.
ఒకతను మొక్కలు పెంచుకుంటూ వెళ్తున్నాడు. అవి పెరిగి పెద్దయ్యి నీడను ఇచ్చినపుడు, ఆ నీడలో తలదాచుకోలేని తనకు తెలిసినా కూడా మొక్కలు నాటుతూ వెళ్తున్నాడు. అలా నాటడంలో జీవిత పరమార్థాన్ని అర్థం చేసుకుంటున్నాడని కొటేషన్ లో ఉంది.
ఈ ఫోటోలు, ఈ కొటేషన్ షేర్ చేయడానికి కారణమేంటనేది మాత్రం ఆమె వెల్లడి చేయలేదు. బర్త్ డేకి ఒకరోజు ముందు పోస్ట్ చేసింది కాబట్టి పుట్టినరోజు సందర్భంగానే షేర్ చేసి ఉండవచ్చని అనుకుంటున్నారు.
సమంత ప్రస్తుతం సిటాడెల్ ఇండియన్ వెర్షన్, ఖుషి సినిమాలో నటిస్తోంది. రీసెంట్ గా ఆమె నటించిన శాకుంతలం, బాక్సాఫీసు వద్ద ఘోర పరాజయాన్ని చవి చూసింది.