లుంగీ కట్టిన మామా అల్లుళ్ళు: బ్రో టీజర్ పై అప్డేట్ వచ్చేసింది
ఈ వార్తాకథనం ఏంటి
పవన్ కళ్యాణ్, సాయి ధరమ్ తేజ్ కలిసి నటిస్తున్న బ్రో సినిమా నుండి సాలిడ్ అప్డేట్ వచ్చింది. ఇప్పటివరకు బ్రో సినిమా నుండి చిన్నపాటి టైటిల్ గ్లింప్స్, పోస్టర్లు మాత్రమే రిలీజ్ అయ్యాయి.
ప్రస్తుతం టీజర్ కు సంబంధించి అప్డేట్ వచ్చింది. మరికొద్ది రోజుల్లో బ్రో టీజర్ ను రిలీజ్ చేస్తామని, అదే పనిలో ఉన్నట్టుగా దర్శకుడు సముద్రఖని తన సోషల్ అకౌంట్ ద్వారా తెలియజేసాడు.
ప్రస్తుతానికి టీజర్ ని ఎప్పుడు రిలీజ్ చేస్తారో చెప్పలేదు కానీ, వచ్చేది టీజరే నని చెప్పేసారన్నమాట.
ఇక్కడ ఇంట్రెస్టింగ్ విషయం ఏంటంటే, టీజర్ పై అప్డేట్ ఇచ్చిన సముద్రఖని, ఒక పోస్టర్ ని వదిలాడు. ఇప్పుడు ఆ పోస్టర్ అందరినీ ఎంతగానో ఆకర్షిస్తోంది.
Details
లుంగీ కట్టిన మామా అల్లుళ్ళు
అటు సాయి ధరమ్ తేజ్, ఇటు పవన్ కళ్యాణ్ లుంగీ కట్టుకున ఫోటోలను పోస్టర్ రూపంలో వదిలారు. దీంతో అందరికీ తమ్ముడు సినిమా గుర్తొచ్చింది.
తమ్ముడు సినిమాలో ఒకానొక పాటలో పూర్తి లుంగీమీద కనిపిస్తాడు పవన్ కళ్యాణ్. అదే లుక్ లో బ్రో సినిమా పోస్టర్ లో కనిపిస్తున్నాడు.
బ్రో సినిమాను తమిళంలో ఘన విజయం సాధించిన వినోదయ సీతమ్ సినిమాకు రీమేక్ గా తెరకెక్కిస్తున్నారు. సముద్రఖని దర్శకత్వం వహిస్తున్న ఈ సినిమాలో దేవుడిగా కనిపించబోతున్నాడు పవన్ కళ్యాణ్.
ఇదివరకు గోపాల గోపాల చిత్రంలోనూ దేవుడి పాత్రలో పవన్ కళ్యాణ్ కనిపించారు. బ్రో సినిమా, జులై 28వ తేదీన రిలీజ్ అవుతుంది.