డెవిల్: సంయుక్తా మీనన్ పాత్రను పరిచయం చేసిన మేకర్స్
ఈ వార్తాకథనం ఏంటి
కళ్యాణ్ రామ్ హీరోగా నవీన్ మేడారం దర్శకత్వంలో డెవిల్ సినిమా రూపొందుతోంది. బ్రిటీష్ కాలం నాటి కథతో తెరకెక్కుతున్న ఈ సినిమాలో బ్రిటీష్ సీక్రెట్ ఏజెంట్ గా కళ్యాణ్ రామ్ కనిపిస్తున్నారు.
తాజాగా ఈ సినిమా నుండి సంయుక్తా మీనన్ ఫస్ట్ లుక్ రిలీజ్ చేశారు.
నైషద అనే పాత్రలో కనిపించనున్న సంయుక్తా మీనన్, గుడికి వెళ్తున్న అమ్మాయిలా చేతిలో బుట్ట, కొబ్బరికాయ, పూలదండ పట్టుకుని కనిపించింది.
సంయుక్తా మీనన్ పుట్టినరోజు సందర్భంగా విడుదల చేసిన ఈ పోస్టర్ చాలా ఇంట్రెస్టింగ్ గా ఉంది.
Details
నవంబర్ 24న విడుదలవుతున్న డెవిల్
పీరియాడిక్ డ్రామాగా రూపొందుతున్న ఈ సినిమాలో సంయుక్తా మీనన్ లుక్, చాలా క్లాస్ గా కనిపిస్తోంది. చీరలో అచ్చ తెలుగమ్మాయిలా సంయుక్తా కనిపిస్తోంది.
గతంలో కళ్యాణ్ రామ్ నటించిన బింబిసార చిత్రంలోనూ సంయుక్తా మీనన్ మెరిసింది. ఆ సినిమా ఎంత పెద్ద సక్సెస్ అందుకుందో చెప్పాల్సిన పనిలేదు. ఇప్పుడు మరోసారి వీరిద్దరి కాంబినేషన్ ప్రేక్షకుల ముందుకు వస్తోంది.
ఈ సినిమాతో మొదటిసారిగా ప్యాన్ ఇండియా మార్కెట్లోకి కళ్యాణ్ రామ్ ఎంటరవుతున్నాడు.
అభిషేక్ పిక్చర్స్ బ్యానర్లో రూపొందుతున్న ఈ సినిమాను అభిషేక్ నామా నిర్మిస్తున్నారు. నవంబర్ 24వ తేదీన ప్రపంచవ్యాప్తంగా డెవిల్ విడుదలవుతుందని నిర్మాతలు వెల్లడి చేసారు.