కిస్మత్ ఫస్ట్ లుక్: సత్యదేవ్ విడుదల చేసిన కొత్త పోస్టర్ చూసారా?
అభినవ్ గొమఠం, నరేష్ అగస్త్య, అవసరాల శ్రీనివాస్, విశ్వదేవ్ ప్రధాన పాత్రల్లో రూపొందుతున్న చిత్రం కిస్మత్. రియా సుమన్ హీరోయిన్ గా కనిపిస్తున్న ఈ చిత్రాన్ని శ్రీనాథ్ బాదినేని డైరెక్ట్ చేస్తున్నారు. కామెడీ ఎంటర్టైనర్ గా రూపొందుతున్న కిస్మత్ చిత్ర ఫస్ట్ లుక్ పోస్టర్ ని హీరో సత్యదేవ్ విడుదల చేశారు. కరెన్సీ నోట్ల నేపథ్యంలో కిస్మత్ సినిమా తెరకెక్కుతోందని సమాచారం. ప్రస్తుతానికి ఈ చిత్ర షూటింగ్ పూర్తయింది. పోస్ట్ ప్రొడక్షన్ పనులు జరుపుకుంటోంది. కామ్రేడ్ ఫిల్మ్ ఫ్యాక్టరీ, అథీరా ప్రొడక్షన్స్ బ్యానర్ లో తెరకెక్కుతున్న ఈ సినిమాకు నిర్మాతగా రాజు వ్యవహరిస్తున్నారు. సిహెచ్ భాను ప్రసాద్ రెడ్డి సహనిర్మాతగా వ్యవహరిస్తున్న ఈ సినిమాకు సంగీతాన్ని మార్క్ కే రాబిన్ అందిస్తున్నారు.
