Peddi: రామ్ చరణ్ 'పెద్ది' చిత్రంలో సీనియర్ నటి!
ఈ వార్తాకథనం ఏంటి
రామ్ చరణ్ హీరోగా, జాన్వీ కపూర్‌ హీరోయిన్‌గా నటిస్తున్న భారీ ప్రాజెక్ట్‌ 'పెద్ది' చిత్రానికి బుచ్చి బాబు దర్శకత్వం వహిస్తున్నారు. ఈ చిత్రంతో మైత్రి మూవీ మేకర్స్‌ కీలక ఫైనాన్షియర్‌ సతీష్‌ కిలారు నిర్మాతగా సినీ రంగ ప్రవేశం చేస్తున్నారు. ఇప్పటికే విడుదలైన ప్రమోషనల్‌ కంటెంట్‌కు ప్రేక్షకుల నుండి విశేష స్పందన లభించింది. తాజాగా విడుదలైన "చికిరి చికిరి" పాటకు కూడా అద్భుతమైన రెస్పాన్స్‌ వస్తోంది.
Details
కీలక పాత్రలో సీనియర్ నటి శోభన
తాజా సమాచారం ప్రకారం, ఈ సినిమాలో సీనియర్ నటి శోభన ఒక కీలక పాత్రలో నటిస్తున్నారని తెలుస్తోంది. ఉత్తరాంధ్ర నేపథ్యంలో సాగే ఈ కథలో రామ్ చరణ్ ఒక క్రీడాకారుడిగా కనిపించనున్నారు. భారీ అంచనాలు నెలకొన్న ఈ చిత్రంలో శోభన లాంటి అనుభవజ్ఞ నటి పాత్ర పోషించనుందన్న వార్త సినిమాపై మరింత ఆసక్తి పెంచుతోంది. 'పెద్ది' చిత్రాన్ని వచ్చే ఏడాది మార్చి నెలలో ప్రేక్షకుల ముందుకు తీసుకురావడానికి మేకర్స్‌ సన్నాహాలు చేస్తున్నారు.