Radhika Sarathkumar : సీనియర్ నటి రాధిక శరత్‌కుమార్ తల్లి కన్నుమూత
ఈ వార్తాకథనం ఏంటి
సీనియర్ నటి రాధిక శరత్‌కుమార్ కుటుంబంలో విషాదం నెలకొంది. ఆమె తల్లి గీత ఆదివారం రాత్రి అనారోగ్యంతో కన్నుమూశారు. 86 ఏళ్ల వయసులో గీత తుదిశ్వాస విడిచారు. కొంతకాలంగా వృద్ధాప్య సమస్యలతో బాధపడుతున్న ఆమె ఆదివారం రాత్రి 9.30 గంటలకు పరమపదించారు. గీత, ప్రముఖ తమిళ నటుడు ఎం.ఆర్. రాధ భార్య. చిన్న వయసులోనే సినీ రంగంలో అడుగుపెట్టిన రాధికకు ఎల్లప్పుడూ బలమైన మద్దతుగా నిలిచిన వ్యక్తి గీత. గీత జీవితం కుటుంబం, ప్రేమ, సామాజిక సేవలకు అంకితమైంది.
Details
తీవ్ర విషాదంలో అభిమానులు
వెనుకబడిన ప్రాంతాల్లో పలు సామాజిక కార్యక్రమాల్లో ఆమె చురుకుగా పాల్గొన్నారు. ఆమె అంత్యక్రియలు సోమవారం 22 సెప్టెంబర్ 2025, సాయంత్రం 4.30 గంటలకు చెన్నై బెసెంట్ నగర్ శ్మశానవాటికలో జరగనున్నట్లు కుటుంబ సభ్యులు వెల్లడించారు. గీత మృతి పట్ల రాధిక కుటుంబానికి, సినీ వర్గాలకు, అభిమానులకు తీవ్ర విషాదం నెలకొంది. కుటుంబం, సినిమా, సామాజిక రంగాల్లో గీత చేసిన సేవలు, కృషి ఎల్లప్పుడూ చిరస్మరణీయమై నిలుస్తాయని అందరూ స్మరించుకుంటున్నారు.