KA Movie: 'క' సినిమా కలెక్షన్లలో సంచలనం.. తొలి రోజే రూ. 6.18 కోట్లు!
కిరణ్ అబ్బవరం తన క్రియాత్మక ప్రతిభతో సూపర్ హిట్‌ కొట్టాడు. తాజాగా విడుదలైన 'క' సినిమా విమర్శకుల ప్రశంసలు పొందుతోంది. దీపావళి సందర్భంగా అక్టోబర్ 31న థియేటర్లలో రిలీజ్ అయిన ఈ మూవీ, అదే రోజున మరో మూడు చిత్రాలతో పోటీపడింది. కానీ తొలి రోజే 'క' సినిమాకు అద్బుతమైన స్పందన వచ్చింది. 'క' సినిమాకు మొదటి రోజు రూ. 6.18 కోట్లు గ్రాస్ సాధించడం విశేషం. కిరణ్ అబ్బవరం గత చిత్రాలతో పోలిస్తే ఈ సినిమా ఆడియన్స్ నుండి మంచి స్పందనతో పాటు అధిక వసూళ్లు సాధించింది.
తొలి రోజేే అద్భుత కలెక్షన్లు
తొలి రోజునే రూ. 6 కోట్ల మార్క్‌ను దాటడం, వీకెండ్ ముగిసే సమయానికి బ్రేక్ ఈవెన్ చేరుకొని లాభాలు అందించేందుకు దోహదం చేస్తుందని అంచనా వేస్తున్నారు. ఈ మిస్టిక్ థ్రిల్లర్ కాన్సెప్ట్‌తో తెరకెక్కించిన 'క' సినిమాలో కిరణ్ అబ్బవరం, నయన్ సారి, తన్వి రామ్ ప్రధాన పాత్రలు పోషించారు. క్లైమాక్స్ 20 నిమిషాల పాటు ఎవరూ ఊహించని రీతిలో సాగడం, ఈ మూవీకి ఎంతో ప్రయోజనం ఇచ్చాయని చెప్పవచ్చు.
