Shaktimaan: 'శక్తిమాన్‌' మరోసారి వస్తున్నాడు.. ఆడియో సిరీస్‌గా వచ్చేస్తున్న సూపర్‌హీరో!
ఈ వార్తాకథనం ఏంటి
1990లలో భారతదేశంలో విపరీతమైన ప్రజాదరణ పొందిన తొలి సూపర్‌హీరో టెలివిజన్ సిరీస్‌ 'శక్తిమాన్‌' (Shaktimaan) మరోసారి ప్రేక్షకులను అలరించేందుకు సిద్ధమవుతోంది. ముఖేశ్ ఖన్నా ప్రధాన పాత్రలో నటించిన ఈ సిరీస్‌ అప్పట్లో దేశవ్యాప్తంగా కోట్లాది మంది అభిమానులను సంపాదించింది. ఇప్పుడు అదే శక్తిమాన్‌ ఓ సరికొత్త రూపంలో, ఆధునిక ఫార్మాట్‌లో ప్రేక్షకుల ముందుకు రానుంది. ఈసారి ఆడియో సిరీస్‌ రూపంలో శక్తిమాన్‌ అందించనున్నారు. ప్రముఖ ఆడియో ప్లాట్‌ఫామ్ పాకెట్ ఎఫ్ఎం ద్వారా ఈ కొత్త ప్రాజెక్ట్‌ను తీసుకురానున్నారు. ఇందులో శక్తిమాన్‌కు స్వరాన్నిచ్చే బాధ్యతను మళ్లీ ముఖేశ్ ఖన్నానే స్వీకరించారు.
Details
పాకెట్ ఎఫ్ఎంలో ఆడియో
ఈ విషయాన్ని తెలియజేస్తూ ఆయన తన ఆనందాన్ని పంచుకున్నారు. "శక్తిమాన్‌ కేవలం ఓ టీవీ షో కాదు... అది కోట్ల మంది మనస్సుల్లో ఉన్న ఒక భావోద్వేగం. ఇప్పుడు అదే పాత్రను మరోసారి ఆధునిక తరం ముందుకు తీసుకురావడం గర్వంగా ఉంది. ఈ సిరీస్‌ ద్వారా శక్తిమాన్‌ విలువలు, అతడి బలం, సూపర్ పవర్స్‌ గురించి కొత్త తరానికి పరిచయం చేయనున్నాం. ఇప్పుడు మారిన టెక్నాలజీకి తగ్గట్టు, ఇయర్‌ఫోన్స్‌లో శక్తిమాన్‌ను ఆస్వాదించే అవకాశం లభిస్తోంది. పాకెట్ ఎఫ్ఎం ఈ ప్రయాణానికి సరైన వేదిక అవుతోందని ముఖేశ్ ఖన్నా వెల్లడించారు.