శర్వానంద్ 35: క్రితి శెట్టిపై ఆసక్తికరమైన వీడియోను రిలీజ్ చేసిన టీమ్
ఉప్పెన సినిమాతో తెలుగు ప్రేక్షకుల్లో ఉప్పెన సృష్టించిన హీరోయిన్ క్రితి శెట్టి, ప్రస్తుతం శర్వానంద్ హీరోగా రూపొందుతున్న సినిమాలో నటిస్తోంది. భలే మంచి రోజు, శమంతకమణి, దేవదాస్, హీరో చిత్రాల దర్శకుడు శ్రీరామ్ ఆదిత్య ఈ సినిమాను తెరకెక్కిస్తున్నారు. తాజాగా ఈ సినిమా నుండి క్రితి శెట్టి పుట్టినరోజు సందర్భంగా ఒకానొక వీడియోను రిలీజ్ చేశారు. ఈ వీడియోలో శర్వానంద్ 35 సినిమా షూటింగ్ సమయంలోని క్రితి శెట్టికి సంబంధించిన వీడియో క్లిప్పింగులను చూపించారు. అంతేకాదు, ఈ సినిమా నుండి క్రితి శెట్టి పోస్టర్ ని కూడా రిలీజ్ చేశారు ఈ పోస్టర్లో మోడ్రన్ అమ్మాయిలా క్రితిశెట్టి కనిపిస్తోంది. పీపుల్స్ మీడియా ఫ్యాక్టరీ నిర్మిస్తున్న ఈ సినిమాకు టీజీ విశ్వప్రసాద్ నిర్మాతగా ఉన్నారు.
