అలవైకుంఠపురములో బాలీవుడ్ రీమేక్: రాజమౌళి రిఫరెన్స్ తో వచ్చిన షెహజాదా ట్రైలర్
ఈ వార్తాకథనం ఏంటి
అల్లు అర్జున్ హీరోగా వచ్చిన అలవైకుంఠపురములో సినిమా ఎంత హిట్ అయ్యిందో అందరికీ తెలిసిందే. ప్రస్తుతం షెహజాదా పేరుతో బాలీవుడ్ లో రీమేక్ అయ్యింది ఈ సినిమా.
కార్తీక్ ఆర్యన్ హీరోగా నటించిన ఈ సినిమా ట్రైలర్ ఈరోజు విడుదలైంది. ట్రైలర్ మొదట్లో యాక్షన్ సీన్స్ లోంచి కొన్ని షాట్స్ చూపించారు. అవన్నీ చాలా స్టైలిష్ గా ఉన్నాయి.
కార్తీక్ ఆర్యన్ చాలా స్టైలిష్ గా కనిపించాడు. హీరోయిన్ గా చేస్తున్న కృతి సనన్ అందంగా ఉంది. సినిమాని చాలా రిచ్ గా తీసినట్లు ట్రైలర్ చూస్తే అర్థం అవుతోంది.
ముఖ్యంగా ట్రైలర్ చివర్లో అమ్మ గురించి చెప్పే డైలాగుల్లో వింటే త్రివిక్రమ్ మార్క్ డైలాగులులాగా కనిపించాయి.
షెహజాదా ట్రైలర్ రిలీజ్
అలవైకుంఠపురములో సినిమాతో పోలిస్తే షెహజాదా ట్రైలర్ లో మిస్ అయిన కొన్ని అంశాలు
ఇది రీమేక్ సినిమా కాబట్టి ఒరిజినల్ సినిమాతో ఖచ్చితంగా పోలిక ఉంటుంది. ఆ రకంగా చూస్తే షెహజాదా ట్రైలర్ లో వినిపించిన పాటలు అలవైకుంఠపురములో సినిమా పాటలతో పోటీ పడలేదేమో అనిపించింది.
కాకపోతే మంచి మ్యూజిక్, నేపథ్య సంగీతం బాగున్నాయని అర్థం అవుతోంది. కార్తీక్ ఆర్యన నటనలో కొన్నిసార్లు అల్లు అర్జున్ కనిపించాడు. అయినా కూడా ట్రైలర్ ఆసక్తిగా ఉంది.
ట్రైలర్ లోఒక దగ్గర రోల్స్ రాయిస్ కార్ ని చూసిన హీరో, ఆర్ఆర్ అంటే రాజమౌళి బ్రాండ్ అంటూ దర్శకుడు రాజమౌళిని గుర్తు చేసాడు.
చూస్తుంటే ఈ సినిమా బాలీవుడ్ జనాలకు మంచి ఫీల్ ఇచ్చేలా కనిపిస్తోంది. ఫిబ్రవరి 10వ తేదీన థియేటర్లలోకి వస్తోంది.