మ్యూజిక్ స్కూల్ ఓటీటీ రిలీజ్: శ్రియా శరణ్ నటించిన సినిమా ఎక్కడ స్ట్రీమింగ్ అవుతుందంటే?
శ్రియా శరణ్, శర్మాన్ జోషి ప్రధాన పాత్రల్లో తెరకెక్కిన చిత్రం మ్యూజిక్ స్కూల్. యామిని ఫిలిమ్స్ బ్యానర్ పై రూపొందించిన ఈ సినిమాను పాపారావు బియ్యాల డైరెక్ట్ చేశారు. మే నెలలో థియేటర్లలోకి వచ్చిన ఈ చిత్రం ప్రేక్షకులను పెద్దగా ఆకట్టుకోలేకపోయింది. ప్రస్తుతం ఓటీటీ విడుదలకు సిద్ధమైంది. శ్రియా శరణ్ పుట్టినరోజు(సెప్టెంబర్ 11) సందర్భంగా మ్యూజిక్స్ స్కూల్ మూవీ ఓటీటీలో స్ట్రీమింగ్ అవుతోంది. అమెజాన్ ప్రైమ్ వీడియో వేదికగా మ్యూజిక్ స్కూల్ మూవీ తెలుగు, తమిళం, హిందీ భాషల్లో స్ట్రీమింగ్ అవుతోందని యామిని ఫిలిమ్స్ తన సోషల్ మీడియా ఖాతాలో వెల్లడి చేసింది.
మ్యూజిక్ స్కూల్ కథ ఏంటంటే?
పిల్లలకు చదువు తప్ప మరే లోకం ఉండకూడదనే ఆలోచనతో ఉన్న ఒక స్కూలులో మ్యూజిక్ టీచర్ గా శ్రియా శరణ్ పనిచేస్తుంది. అదే స్కూల్లో డ్రామా టీచర్ గా శర్మాన్ జోషి పనిచేస్తారు. వీరిద్దరూ కలిసి పిల్లలకు చదువుతో పాటు కల్చరల్ యాక్టివిటీస్ కూడా ముఖ్యమని ఎలా నిరూపిస్తారనేదే ఈ సినిమా కథ. ఇళయరాజా సంగీతమందించిన ఈ సినిమాలో ప్రకాష్ రాజ్ కీలకపాత్రలో కనిపించారు. థియేటర్లలో పెద్దగా ఆకట్టుకోలేని ఈ సినిమా ఓటీడీలో ప్రేక్షకులను ఎలా అలరిస్తుందో చూడాలి.
