ఇండస్ట్రీలో 63ఏళ్ళు పూర్తి చేసుకున్న కమల్: శృతి హాసన్ ఎమోషనల్ పోస్ట్
లోకనాయకుడు కమల్ హాసన్ ఇండస్ట్రీలోకి అడుగుపెట్టి నేటితో 63ఏళ్ళు పూర్తయ్యింది. ఈ సందర్భంగా సినిమా పరిశ్రమకు చెందిన సెలెబ్రిటీలు కమల్ హాసన్ కు శుభాకాంక్షలు తెలియజేస్తున్నారు. అభిమానులు కమల్ హాసన్ నట జీవితంపై ఒక ప్రత్యేక ఫోటోను పంచుకున్నారు. ఆ ఫోటోను షేర్ చేసిన శృతి హాసన్, కమల్ హాసన్ నటజీవితంపై ఎమోషనల్ పోస్ట్ పెట్టారు. 63ఏళ్ళ సినీ ప్రయాణంలో నాన్న ఎన్నో కష్టాలను ఎదుర్కొన్నారని, వాటన్నింటినీ దాటుకుంటూ ప్రేక్షకులకు వినోదం అందించడం కోసం ఛాలెంజింగ్ పాత్రలు చేసారని ఆమె అన్నారు. సినిమా ఇండస్ట్రీ ఎదుగుదల కోసం నాన్న చాలా పనిచేసారనీ శృతిహాసన్ అన్నారు.
ప్రభాస్‌కు విలన్‌గా నటిస్తున్న కమల్ హాసన్
శృతి హాసన్ ప్రస్తుతం ప్రభాస్ హీరోగా వస్తున్న సలార్ సినిమాలో హీరోయిన్ గా నటిస్తోంది. ఈ చిత్రం సెప్టెంబర్ 28వ తేదీన ప్రేక్షకుల ముందుకు వస్తుంది. ఇక కమల్ హాసన్ విషయానికి వస్తే, ప్రస్తుతం శంకర్ దర్శకత్వంలో ఇండియన్ 2 సినిమా చేస్తున్నాడు. కాజల్ అగర్వాల్ హీరోయిన్ గా కనిపిస్తున్న ఈ సినిమా వచ్చే సంవత్సరం విడుదల కానుంది. అలాగే ప్రభాస్ హీరోగా రూపొందుతున్న కల్కి 2898 ఏడీ సినిమాలో విలన్ గా కమల్ హాసన్ కనిపిస్తున్నారు. ఈ చిత్రాన్ని మహానటి ఫేమ్ నాగ్ అశ్విన్ తెరకెక్కిస్తున్నారు. వచ్చే సంవత్సరం వేసవిలో ఈ సినిమాను విడుదల చేయాలని ప్లాన్ చేస్తున్నారు.
