ఇండియన్-2 చిత్రంపై సిద్దార్థ్ కామెంట్స్.. నా కల నెరవేరింది!
ఈ వార్తాకథనం ఏంటి
సిద్ధార్థ్, కావ్య థాపర్ జంటగా నటించిన టక్కర్ సినిమా జూన్ 9న రిలీజ్ కానుంది. ఈ సినిమాలో ప్రమోషన్స్ లో ఉన్న సిద్ధార్థ్ తాజాగా భారతీయుడు 2 గురించి ఆసక్తికర కామెంట్స్ చేశాడు.
ప్రస్తుతం దేశమంతా ఆసక్తిగా ఎదురుచూస్తున్న సినిమా భారతీయుడు 2. శంకర్ దర్శకత్వంలో మల్టీటాలెండెడ్ యాక్టర్ కమల్ హసన్ హీరోగా చేస్తున్నాడు.
గతంలో వచ్చిన 'భారతీయుడు' సంచలన రికార్డులను సృష్టించిన విషయం తెలిసిందే. దీంతో భారతీయుడు 2 పై భారీ అంచనాలు నెలకొన్నాయి. ఈ సినిమాను 250 కోట్ల భారీ బడ్జెట్ తో తెరకెక్కిస్తున్నారు.
ఈ సినిమాలో కాజల్ అగర్వాల్, రకుల్ ప్రీత్ సింగ్, ప్రియా భవాని శంకర్, సిద్ధార్థ్, బాబీ సింహ, సముద్రఖని ఇంకా పలువురు యాక్టర్స్ నటిస్తున్నారు.
Details
భారతీయుడు 2 సినిమాలో నటించడం చాలా సంతోషంగా ఉంది : సిద్ధార్థ్
కమల్ హాసన్ అంటే తనకెంతో గౌరవమని, దర్శకుడు శంకర్ తో 20 సంవత్సరాల తర్వాత పనిచేయడం తన అదృష్టమని, కమల్ హాసన్ అంటే తనకు ఎంతో గౌరవమని, ఇలాంటి సినిమాలో నటించాలన్న తన కల నెరవేరిందని హీరో సిద్ధార్థ్ పేర్కొన్నారు.
భారతీయుడు 2 సినిమాలో సిద్దార్థ్ కమల్ హాసన్ కి మనవడిలా కనిపిస్తాడని సమాచారం. ప్రస్తుతం షూటింగ్ దశలో ఉన్న సినిమా వచ్చే ఏడాది రిలీజ్ చేస్తారని తెలుస్తోంది. ఈ సినిమాపై భారీ అంచనాలు ఉన్నారు.
ఈ సినిమా షూటింగ్ ను శంకర్ త్వరగా పూర్తి చేయాలని ప్లాన్ చేస్తున్నాడు. అందుకే బ్యాక్ టు బ్యాక్ టు షెడ్యూళ్లు చేస్తున్నట్లు సమాచారం.